დროა საქართველოს პოლიტიკური ლიდერები გაერთიანდნენ – დეგნანი

ახლა, იმ ფონზე, რაც რეგიონში ხდება, დროა საქართველოს პოლიტიკური ლიდერები გაერთიანდნენ, შეწყვიტონ ერთმანეთზე თავდასხმა და დაიწყონ ერთად მუშაობა ამ ქვეყნის მომავლისთვის. ეს არის მნიშვნელოვანი მესიჯი ქართველი ხალხისთვის და ეს არის ასევე მნიშვნელოვანი მესიჯი რუსეთისთვის და სხვებისთვის, რომლებიც ცდილობენ საქართველოს გაყოფას, – ამის შესახებ საქართველოში აშშ-ის ელჩმა კელი დეგნანმა განაცხადა.

მისი თქმით, პარლამენტი არის ადგილი, სადაც მმართველმა პარტიამ და ოპოზიციამ ერთად უნდა იმუშაოს და არა იჩხუბოს.

„აშშ თვალყურს ადევნებს, რაც საქართველოში ხდება. საქართველო აშშ-ს მნიშვნელოვანი პარტნიორია. მოხარული ვართ იმის ხილვით, რომ პოლიტიკური ლიდერები პარლამენტში მუშაობენ, რადგან ეს არის ადგილი, სადაც ცვლილებებისა და პროგრესის მიღწევა უნდა მოხდეს. გვსურს, მეტი აქტიურობის ნახვა პარლამენტში, მიღებული კანონებისა და სტრატეგიების მეტად განხორციელება, გვსურს, მმართველმა პარტიამ და ოპოზიციურმა პარტიებმა ერთად იმუშაონ პარლამენტში იმ საკითხებზე, რაც ქართველი ხალხისთვის ყველაზე მნიშვნელოვანია, მათ შორის ეკონომიკის, განათლების, საზოგადოებრივი ჯანდაცვის საკითხებზე, გზებთან, წყალმომარაგებასთან დაკავშირებულ საკითხებზე. ქვეყანა ბევრი გამოწვევის წინაშე დგას და საუკეთესო ადგილი, მათ განსახილველად, პარლამენტია, სადაც მმართველმა პარტიამ და ოპოზიციამ ერთად უნდა იმუშაოს და არა იჩხუბოს.

ახლა, იმ ფონზე, რაც რეგიონში ხდება, დროა საქართველოს პოლიტიკური ლიდერები გაერთიანდნენ, შეწყვიტონ ერთმანეთზე თავდასხმები და დაიწყონ ერთად მუშაობა ამ ქვეყნის მომავლისთვის. ეს არის მნიშვნელოვანი მესიჯი ქართველი ხალხისთვის და ეს არის ასევე მნიშვნელოვანი მესიჯი რუსეთისთვის და სხვებისთვის, რომლებიც ცდილობენ საქართველოს გაყოფას. ჩემი მესიჯი საქართველოში პოლიტიკური ლიდერების მიმართ არის: დადგნენ ერთად და ერთად იმუშაონ იმ საკითხებზე, რაც ქართველი ხალხისთვის ყველაზე უფრო მნიშვნელოვანია. სწორედ ამაში უნდა დაიხარჯოს ახლა ენერგია“, – აღნიშნა ელჩმა.

გააზიარეთ და მოიწონეთ სტატია:

მსგავსი სტატიები:

ინაუგურაციის დღე – ბაიდენი ვაშინგტონში ჩაფრინდა, ტრამპი ფლორიდაში მიფრინავს ქებათა ქება ოლიგარქს-“ოცნების” წევრთა გამორჩეული შეფასებები ფლანგვის დეტექტორი-ოზურგეთის მერმა ბოლო სამ წელიწადში 143 000 ლარის უძრავი ქონება შეიძინა პარლამენტში მელიასთვის უფლებამოსილების ვადამდე შეწყვეტის საკითხს განიხილავენ “ისტორიულ წარსულში ყველა მოღალატე ერთად აღებული ელისაშვილში დავინახე და აღმოაჩინე” – მაჩალიკაშვილი “სიღარიბის და უმუშევრობის დაძლევა, ნამდვილად არ არის მითი. ჩვენ შეგვიძლია, ჩვენს სამშობლოში ვიცხოვროთ ღირსეულად და ბედნიერად”-მიხეილ სააკაშვილი სამ თეატრში ხელმძღვანელების კონკურსი ჩაშლილად გამოცხადდა – კულტურის სამინისტრო სად და როგორ მალავენ ფულს პუტინის ოლიგარქები?