სააკაშვილს, რამდენიმე საათში “ვივა მედში” გადაიყვანენ, – აღნიშნულის შესახებ “ნაციონალური მოძრაობის” წევრმა, ეკა ხერხეულიძემ რუსთავის ციხიდან გამოსვლის შემდეგ მედიასთან საუბრისას განაცხადა.
მისი თქმით, მას სჭირდება აუცილებლად დამხმარე ადამიანი, რომელიც განაპირობებს დახმარებას იმ კონკრეტულ საკითხებთან მიმართებით, რაც ზოგადად პაციენტს ესაჭიროება.
ხერხეულიძის თქმით, ასეთი ადამიანი ვერ იქნება სხვა გარდა სააკაშვილის დედისა.
“ახლა არის ვითარება შემდეგი – ახლა ის კონდიცია გახლავთ, სადაც არცერთ შემთხვევაში პოლიტიკური სპეკულაცია, ვაჭრობა, ულტიმატუმები – ამ ფაქტებს ადგილი არ შეიძლება ჰქონდეს. მთავარია, დროზე მოხდეს მიხეილ სააკაშვილის გადაყვანა “ვივა მედის” კლინიკაში. ის არის თანახმა. მან ადმინისტრაციას, ექიმს, უსაფრთხოების სამსახურს ამის შესახებ ჩემი თანდასწრებით განუცხადა თანხმობა.
ის ელოდება გადაყვანას და ითხოვს შემდეგს: კანონით გათვალისწინებული ყველა ის პირი, რომელიც ისედაც უფლებამოსილია ისარგებლოს შემთხვევით, რომ შევიდეს ხოლმე პატიმრის მოსანახულებლად, თავისთავად ძალაში რჩება მაგრამ აქ არის გასათვალისწინებელი ერთი ფაქტი – ის, რომ მას სჭირდება აუცილებლად დამხმარე ადამიანი, რომელიც განაპირობებს დახმარებას იმ კონკრეტულ საკითხებთან მიმართებით, რაც ზოგადად პაციენტს ესაჭიროება. ასეთი ტერმინი არსებობს, თავმდგომი – და დედაზე უკეთესი ამ ვითარებაში, ვიდრე ქალბატონი გიული იქნება, მიხეილ სააკაშვილი ვერ მიიჩნევს ასეთ ადამიანს.
ამდენად, ის თვლის, რომ ქალბატონი გიული საქმის კურსში უნდა იყოს იმასთან დაკავშირებით რომ სევატყობინო ეს ინფორმაცია, რომ მისი შვილი გადაჰყავთ რამდენიმე საათში “ვივა მედის” კლინიკაში და თუ შესაძლებელია, ის დროზე გამოცხადდეს “ვივა მედის” კლინიკაში, ვინაიდან მას სჭირდება დახმარება” იმისთვის, რომ ადამიანს, რომელსაც გადაადგილება უჭირს, რომელსაც უჭირს დამოუკიდებლად კონკრეტული მოქმედებების შესრულება, ამაში დაეხმაროს, ერთი ადამიანი და ეს ერთი ადამიანი უნდა იყოს დედა.
ამ ყველაფერთან ერთად, მიხეილ სააკაშვილი ითხოვს საერთაშორისო ექსპერტების ჩართულობას, რათა მათ მდგომარეობა ობიექტურად შეაფასონ, ეს ნაწილი უცვლელია. ველოდები, რომ დღეს სააკაშვილს კლინიკაში გადაიყვანენ”, – აცხადებს ხერხეულიძე მედიასთან.
ცნობისთვის, საქართველოს მესამე პრეზიდენტს, მიხეილ სააკაშვილს იუსტიციის სამინისტრომ კლინიკა “ვივა მედში” გადაყვანა შესთავაზა.
მსგავსი სტატიები:
უსამართლოდ ბრალდებულები – 25-წლიანი უსასყიდლო სამსახურის საფასური ოლიგარქისგან
ნარკომომხმარებელი ციხეში არ უნდა იჯდეს- წულუკიანი
“საქართველო ბევრი წელია სიძულვილის მორევში იხრჩობა”
“ივანიშვილი დიდი დილემის წინაშე დგას… კობახიძეს მომავალს არ გადააყოლებს” – დავით ჭიჭინაძე
“არჩევნებმა უნდა აჩვენოს გაუმჯობესება, რომ ის წინაზე უკეთესია…იმედი მაქვს ამ არჩევნებზე ასე იქნება”-დეგნანი
“დღეს პრაქტიკულად, ადამიანი საპყრობილიდან მართავს ქვეყანას, ქმნის დღის წესრიგს”-კობა ნაყოფია მიხეილ სააკაშვილთან შესახვედრად მივიდა
მიხეილ სააკაშვილის წამებაში მონაწილე პირებს ბრალი წარედგინებათ და შესაძლოა, ძებნაც გამოცხადდეს, მათ შორის ინტერპოლით – გრუშოვეცი
“ომს სანქციები ვერ აჩერებს” – პაპუაშვილი