თბილისში, ჩუღურეთის რაიონში, 5 ტრანსგენდერ ქალს საცხოვრებელ სახლში ჯგუფურად დაესხნენ თავს. ძალადობა 29 მაისს გამთენიისას მოხდა. თავდამსხმელებმა ფიზიკური შეურაცხყოფა მიაყენეს ბინის მეპატრონესაც.
ინფორმაციას სოციალურ ქსელში რამდენიმე მოქალაქე ავრცელებს. თამუნა მუსერიძე წერს, რომ ტრანსგენდერ ქალებს თავს 20-მდე კაცი დაესხა. მისივე თქმით, მოძალადეებმა ქალებს სახლის კარი შეუნგრიეს.
“დღეს გამთენიისას, ჩუღურეთის რაიონში (მალაკნების ხიდთან) მცხოვრებ 5 ტრანსგენდერ ქალს, რომლებიც დღიურ ოთახებში ცხოვრობენ იტალიურ ეზოში და არიან იძულებით პროსტიტუციაში ჩართული, თავს დაესხა ოცამდე მამაკაცი, შეცვივდნენ ჯერ ეზოში, შემდეგ წიხლით შეუნგრიეს კარი, რამდენიმე მათგანი არის უმოწყალოდ ნაცემი, ასევე ასაკიან ქალს, (სახლის მეპატრონე გამქირავებელს) დაესხნენ თავს, ისმოდა ფრაზები, “ამათ არ ვაცოცხლებ, ამათი დედა, დავხოცოთ, და ასე შემდეგ” .იურისტები მალე ჩაერთვებიან, ასევე სახალხო დამცველი იმედია მიაკითხავთ, და ჟურნალისტებიც გააშუქებენ რადგანაც ეს ტრანსები ამ ამბის მერე ღია ცის ქვეშ რჩებიან და იქ ვეღარ იცხოვრებენ შიშით ვისაც ხელგეწიფწბათ ამ სიტუაციაში რაიმეს მოქმედება გთხოვთ ნუ დატოვებთ ამ ამბავს უყურადღებოდ”, – დაწერა თამუნა მუსერიძემ.
ამ დროისთვის უცნობია დააკავეს თუ არა თავდამსხმელები.
მსგავსი სტატიები:
“მელიამ გირაოს თანხა არ უნდა გადაიხადოს…”- ნათელაშვილი
30 წლის შემდეგ პირველად ქართული ფილმი ბერლინალეს მთავარ საკონკურსო სექციაში მოხვდა
ერთი ოქრო, ერთი ვერცხლი- ოზურგეთელი სპორტსმენების წარმატება ფარიკაობაში
გურიის პირველი გუბერნატორი და ჩოხატაურის მერი ოზურგეთში ტაძრის გახსნაზე
მათემატიკის გამოცდის შედეგები ცნობილია
მიხეილ სააკაშვილის გათავისუფლების პეტიციას ხელი მეუფე ნიკოლოზმაც მოაწერა
ტურიზმის ადმინისტრაცია უცხო ქვეყნის მოქალაქეების “მწვანე პასპორტებთან” დაკავშირებით ინფორმაციას ავრცელებს
კობახიძე: მე არასდროს ვტყუი