კულტურის მინისტრი, თეა წულუკიანი პრეზიდენტის კრიტიკულ განცხადებებს პასუხობს და ამბობს, რომ ბრალდებულისთვის სასჯელის შერჩევის საკითხი რამდენად დროული ან უდროოა, ამას ერთადერთი ადამიანი – მოსამართლე წყვეტს.
ასე უპასუხა მან ზურაბიშვილის მოსაზრებას, რომ “მთავარი არხის” გენერალური დირექტორის, ნიკა გვარამიას დაპატიმრების შესახებ გადაწყვეტილება პოლიტიკურად დროული არ იყო. მინისტრის კომენტარს “საზოგადოებრივი მაუწყებელი” ავრცელებს.
“ალბათ, ყველამ უნდა ვისწავლოთ ამ ქვეყანაში მოსამართლის პატივისცემა. მოსამართლე იმიტომ არის მოსამართლე, რომ მისი გადაწყვეტილება ვიღაცას არ მოსწონდეს. სასამართლო პროცესში ყოველთვის არის ორი მხარე და არასდროს არ გამოდის ისე, რომ ორივე მხარემ მოიგოს დავა. როგორც წესი, ერთი იგებს, მეორე აგებს. როდის გამოიტანს მოსამართლე გადაწყვეტილებას და რა გადაწყვეტილებას გამოიტანს, ეს არის მხოლოდ მოსამართლის საქმე. ხანდახან ისე ჩანს, რომ მსოფლიოს ყველა ქვეყანაში მოსამართლე მოსამართლეა და მაინცდამაინც ქართველი მოსამართლე უნდა იყოს ის, ვისაც უნდა ვურტყათ წიხლები? მე ეს ძალიან არ მომწონს, არ მომწონდა ეს, როდესაც ვიყავი იქ, სადაც ვმსახურობდი რვა წელი, და რა თქმა უნდა, არ მომწონს ეს ახლა”, – თქვა წულუკიანმა.
მისივე აზრით, “უნდა მივეჩვიოთ პოლიციელის, პროკურორის და სხვათა პატივისცემას”.
მსგავსი სტატიები:
აშშ პანდემიის შემდეგ ეკონომიკური აღდგენისთვის საქართველოს დახმარებას გამოუყოფს
“არა მიშას!არა ნაც-ჯალათებს!არა მწამებლებს!…ეს არის თანამოაზრეთა აქცია ვინც არასოდეს შეეგუება ნაცების მობრუნებას მმართველობაში”-ოქიტაშვილი
“თუ ეჭვი გეპარებათ, რომ მე პუტინის პირადი ტყვე ვარ,ნახეთ როგორ ჩაიკეტა გალის ოკუპაციის ხაზი… ყველამ იცის, რომ გალის 100% ხმას ჩვენ გვაძლევს”- სააკაშვილი
“გორის სამხედრო ჰოსპიტალი არის იგივე გლდანის ციხე”- ნიკა გვარამია
სცადეს საათის წართმევა, სრულად ამოქოლეს ფანჯარა… – სააკაშვილი წამების შესახებ ყვება
ჰაკერებმა “როსკოსმოსის” სატელიტური მართვის სისტემა გატეხეს
ოკუპანტებმა აზოვსტალზე შტურმი დაიწყეს
ევროპა ჩვენს ნავთობს მესამე ქვეყნების დახმარებით, უფრო ძვირად იყიდის – რუსი პოლიტიკოსი