“გაოცებული დავრჩი იმ დაუფარავი გაღიზიანებით, რომელიც კელი დეგნანში საქართველოს დეპუტატის მიერ დასმულმა ლეგიტიმურმა კითხვებმა გამოიწვია”

ყურადღებით გავეცანი ქალბატონი ელჩის პასუხს და გამოგიტყდებით, რომ გაოცებული დავრჩი იმ დაუფარავი გაღიზიანებით (დიპლომატს უთუოდ მეტი თავშეკავება მართებს), რომელიც მასში ჩემს მიერ, საქართველოს დეპუტატის მიერ დასმულმა ლეგიტიმურმა კითხვებმა გამოიწვია. კითხვებმა, რომელიც არ არის მარტო ჩემი კითხვები, არამედ ჩემი ამომრჩევლის, ხაზს ვუსვამ, ქართველი ამომრჩევლის კითხვებიცაა, – ამის შესახებ Facebook-ზე დამოუკიდებელი დეპუტატი მიხეილ ყაველაშვილი წერს.

მისივე თქმით, ასევე გაუგებარია, რა შეთქმულების თეორიებზე და ტყუილებზე ლაპარაკობს ქალბატონი ელჩი.

„შესაძლოა, ბოლომდე რომ წაეკითხა წერილი, ასეთი ცრუ ბრალდება არც წამოაყენებინა და პირდაპირ გაეცა პასუხი ჩემს მიერ დასმულ მარტივ კითხვაზე: ის ადამიანები საქართველოში თუ საქართველოს გარეთ, ვინც ომისკენ მოუწოდებდა და მოუწოდებს საქართველოს ხელისუფლებას, არიან თუ არა „ეფესბეს“ მზაკვრული ნარატივის“ გამავრცელებლები და თუ ასეა, რატომ არ მისცემს მათ შენიშვნებს (მათი დაფინანსების შეწყვეტაზე რომ არაფერი ვთქვათ), რომლებსაც ასე უხვად გასცემს ხოლმე ქალბატონი ელჩი „ქართული ოცნების“ მიმართ.

დასასრულს, რაც შეეხება 22-ორგანიზაციას. გასაოცარია, რომ ქალბატონი ელჩი იმდენად გაურკვეველია ქართული საზოგადოების განწყობებში, რომ დღემდე არ იცის, ნდობის როგორი დაბალი ხარისხით სარგებლობს ეს ორგანიზაციები ქართულ საზოგადოებაში. საქართველოს მოქალაქეები ვისურვებდით, რომ საქართველოში მოვლენილმა ელჩებმა, უკეთესად გამოიკვლიონ ქართულ საზოგადოებაში არსებული განწყობები, რათა შემდგომში არ წარმოიქმნეს ასეთი ტიპის გაუგებრობები. ეს, ჩემი წარმოდგენით მათი მუშაობის ნაწილი უნდა იყოს“, – წერს ყაველაშვილი.

გააზიარეთ და მოიწონეთ სტატია:

მსგავსი სტატიები:

NDI: პრეზიდენტის საქმიანობას გამოკითხულთა 36% „ცუდად“ აფასებს ოჰაიოს მცხოვრებმა ვაქცინის გაკეთების შემდეგ $1 მილიონი მოიგო აიაქსს კვარაცხელია და ერიქსენი სურს სახელმწიფო ინსპექტორის სამსახური განცხადებას ავრცელებს “1991წლის 22 დეკემბერი…ეს სამარცხვინო ლაქა საქართველოს ისტორიაში…22 დეკემბერი თანხმობის დღედ გამოცხადდეს”-არმაზ ახვლედიანი ყრდელი, პურის ხარჩო, ხორცის ქადა… – გაიგეთ, როგორ იკვებებოდნენ ძველად ქართველები “ივანიშვილმა ეს…. გადმომცა მე, მე ეს საჩუქარი არ მივიღე ბევრი მიზეზის გამო..” – რას წერს მამუკა ღლონტი “იქნებ, პოლიტიკური კარიერის დაწყების დროა?..” – თინა კანდელაკი აშშ-გან სანქცირებით “ამაყობს”