კომპანია „ასკანელის“ ღვინის ექსპორტი უკრაინაში 60%-ით შემცირდა

ღვინის მწარმოებელი კომპანია „ასკანელის“ კომერციული დირექტორის, ალექსანდრე ვაშალომიძის ინფორმაციით, რუსეთ-უკრაინის ომის გამო, კომპანიის პროდუქციის ექსპორტი უკრაინაში გასულ წელთან შედარებით დაახლოებით 60%-ით შემცირდა. ექსპორტის შეცვლილ მაჩვენებელზე მან BMG-სთან ისაუბრა.

„რუსეთ-უკრაინის ომის გამო დიდი გამოწვევის წინაშე დადგა როგორც ჩვენი კომპანია, ისე ზოგადად ღვინის ინდუსტრია, რადგან უკრაინა ღვინისა და ალკოჰოლური სასმელების ექსპორტის თვალსაზრისით ერთ-ერთი მოწინავე ქვეყანაა. ამ კონფლიქტმა ძალიან დიდი დარტყმა მიაყენა ქვეყანას და შესაბამისად, ექსპორტი გარკვეული პერიოდის განმავლობაში მთლიანად გაჩერებული იყო.

ახლა უკრაინა თითქოს ნელ-ნელა კვლავ იწყებს პროდუქტის შეტანას, თუმცა წინა წლების მაჩვენებელთან შედარებით ძალიან დიდი სხვაობაა – დაახლოებით 60%-იანი კლება დაფიქსირდა. ძალიან დიდი სხვაობაა რიცხვებში“, – განაცხადა ვაშალომიძემ.

როგორც “ასკანელის” კომერციულმა დირექტორმა აღნიშნა, ომმა პრობლემები ლოგისტიკური კუთხითაც შექმნა.

„შესაბამისად, ამან გაართულა პროდუქტის მიწოდების პერიოდი და ასევე დიდი როლი ითამაშა თვითღირებულებაზეც, რადგან გაძვირდა როგორც ტრანსპორტირება, ისე სხვადასხვა მაკომპლექტებელი. შესაბამისად, პროდუქტმა ფასთა ცვლილებები ზრდის მიმართულებით განიცადა“, – აღნიშნა ალექსანდრე ვაშალომიძემ.

გააზიარეთ და მოიწონეთ სტატია:

მსგავსი სტატიები:

ტრამპი, ბიძინა და ვარსკვლავებით მოჭედილი ცა ჩვენი ნინო თოიძე-9 აპრილის ტრაგედიიდან 32 წელი გავიდა საქართველოში კორონავირუსით ინფიცირების 1 562 ახალი შემთხვევა გამოვლინდა, 30 ადამიანი გარდაიცვალა კორონავირუსის 2 654 ახალი შემთხვევა გამოვლინდა, გარდაიცვალა 33 კი ადამიანი “მოვფრინავ საქართველოში…არჩევნებისთვის ბევრი ემიგრანტი მოფრინავს…თავისუფლების დროა”-პაატა ბურჭულაძე როგორ შერჩათ ოზურგეთლებს ოსმალეთის ქვეშევრდომი ვაჭრების ნისია რუსეთი როგორც კეთროვანი – სრული წარუმატებლობა სამხედრო და საფეხბურთო ფრონტზე ”ახლა ვუსმენდი კობახიძეს და…როგორი ცინიზმი, ტყუილის მტკიცება, სიტყვების რახარუხი, საოცარი ზიზღი და სიძულვილის ენა…”