საქართველომ თავის ტეროტორიაზე რუსეთის მხოლოდ ის მოქალაეები უნდა შემოუშვას, რომელთაც დაგმეს თავისი ხელისუფლების მოქმედება. ხოლო ისინი, ვინც საქართველოშ მხოლოდ კომფორტული ცხოვრების პირობებისთვის მოდიაბ, არ უნდა შემოვუშვათ. ამის შესახებ „რეზონანსთან“ საუბარში მწერალი და მსახიობი გივი სიხარულიძე აცხადებს.
უკრაინაში რუსეთის შეჭრის შემდეგ საქართველოში რუსეთის მრავალი მოქალაქე ჩამოდის. მათი რაოდენობა განსაკუთრებით 21 სექტემბერს რუსეთში ნაწილობრივი მობილიზაციის გამოცხადების შემდეგ გაიზარდა და ყოველდიურად მატულობს. საზოგადოებრივი ამასთან დაკავშირებით ორადაა გაყოფილი. ნაწილი მიიჩნევს, რომ ეს პროცესი მკაცრად უნდა გაკონტროლდეს და მათთვის საზღვარი ჩაიკეტოს, ან გარკვეული ფილტრი იქნეს შემოღებული საზღვარზე. ხოლო მეორე ნაწილი რუსეთის მოქალაქეების მოზღვავებაში ვერანაირ საშიშროებას ვერ ხედავს.
მწერალი და მსახიობი გივი სიხარულიძე მიიჩნევს, რომ რუსეთის იმ მოქალაქეების უმრავლესობას, რომელიც საქართველოში მოდის, „მონაწილეობა არ აქვს მიღებული იმ საზიზღრობაში, რაც რუსეთმა ჩაიდინა“.
„რუსების შემოშვების წინააღმდეგი არ ვარ. შემოვუშვათ ქალებიდან ყველა, ვინც ლამაზია. მხოლოდ ქალები, კაცები – არა. თუ მხოლოდ ქალებს შემოუშვებენ, არანაირი პრობლემა არ იქნება, ვიქნებით მშვენივრად, პირიქით, ეს იქნება სამოთხე… ეს ყველაფერი ვიხუმრე.
„მგონია, რომ ჩვენ არავის უნდა გადავუკეტოთ გზა. ადამიანებმა რუსეთი დატოვეს და უნდათ, რომ საქართველოში ჩამოვიდნენ და ჩვენთან შეაფარონ თავი. ჩვენ არანაირი უფლება არ გვაქვს ხალხს, რომელმაც რუსეთს უღალატა, გზა გადავუკეტოთ. პირიქით, უნდა მივიღოთ და ვანახოთ, რომ ქართველები ვართ წესიერი, საყვარელი და კარგი ხალხი, რომელიც ივიწყებს იმ ისტორია, თუ რა დაგვმართა რუსეთმა.
„იმ ხალხს, ვინც აქეთ მორბის, ვფიქრობ, მონაწილეობა არ აქვს მიღებული იმ საზიზღრობაში, რაც რუსეთმა ჩაიდინა.
„ისეთ ადამიანებს, რომლებიც იმიტომ წამოვიდნენ, რომ კომფორტი შეიქმნან, მე ვერ მივესალმები. მაგრამ ის ნაწილი, რომელიც ჩამოვიდა საქართველოში იმიტომ, რომ დაგმეს რუსეთის ქმედებები და ჩვენ გვესტუმრნენ, მთელი გულითა და სულით შევეგებები.
„მე რომ ვიყო ეკონომისტი ან პოლიტიკოსი, ვიტყოდი რა შედეგები მოყვებოდა ამას, მაგრამ მე ვარ ჩვეულებრივი ადამიანი. კაცი, რომელიც, რა თქმა უნდა, ნაწყენია რუსეთის იმპერიაზე. იმ იმპერიაზე, რომელმაც უბედურება დაგვმართა და წაგვართვა ყველაფერი“, – განაცხადა გივი სიხარულიძემ.
მსგავსი სტატიები:
“ქართული მართლმსაჯულება გამოყენებულია “გასაჭირის” მომენტში პოლიტიკური რეპრესიის ინსტრუმენტად”
ოცნება-“ხაზარაძე-ჯაფარიძემ პოლიტიკურ სტატუსს “შეაფარეს თავი”,ნიკა გვარამიამ კი ჟურნალისტურ საქმიანობას”
“ძაღლები წამებით იხოცებიან! მომაკვდავები სიკვდილს ნატრულობენ” – უმძიმესი კადრები ბათუმის ნაგავსაყრელიდან
კლინიკაში 3 კოვიდინფიცირებული ჩვილი მართვით სუნთქვაზეა – მათ ინდურ შტამზე იკვლევენ
“მაშ ასე, მოშე გლუკჰარტის პრეზენტაცია ქართული ოცნებისთვის”-ნიკა გვარამია
შესაძლებელია თუ არა საწვავის ფასის შემცირება?
ბათუმის სარეკრეაციო სივრცეების კეთილმოწყობა ბიუჯეტს 1 მილიონი დაუჯდა – “ფლანგვის დეტექტორი”
თბილისში უკრაინიდან ლტოლვილის მანქანა გაქურდეს