“ხალხს თავი არა სახალხო დამცველად…არამედ სააკაშვილის დამცველად უფრო დაამახსოვრეთ”- ნინო წილოსანი ნინო ლომჯარიას

ხალხს თავი არა სახალხო დამცველად, არამედ სააკაშვილის დამცველად უფრო დაამახსოვრეთ, – ასე მიმართა უმრავლესობის წევრმა ნინო წილოსანმა სახალხო დამცველს ნინო ლომჯარიას პარლამენტის პლენარულ სხდომაზე.

წილოსანის თქმით, ნინო ლომჯარიამ სახალხო დამცველის ინსტიტუტი პირადი პოლიტიკური პრეფერენციების გამოსახატად აქცია.

„მინდა თქვენს ტრანსფორმაციაზე ვისაუბრო. 2017 წელი – თქვენი სიტყვები: „ძალიან ემოციური მომენტია ჩემთვის სახალხო დამცველად არჩევა იმ განხილვების ფონზე, რაც მიმდინარეობდა. ბევრი კრიტიკული პოზიცია იყო, შესაბამისად, ამ უმრავლესობით ჩემი მხარდაჭერა ძალიან სასიხარულოა“, 2022 წელი – „მეხუთე წელია გამოვდივარ პარლამენტში და შეგრძნება მაქვს, რომ პარლამენტის წევრებს მმართველი პარტიიდან უბრალოდ არ ესმით, რა ფუნქცია აქვს სახალხო დამცველს. კითხვების ისე დასმა და კომენტარების გაკეთება ისე, რომ მართლა ელემენტარული წარმოდგენა არ აქვთ, რას ნიშნავს სახალხო დამცველის აპარატი“. კრიტიკა, რომ გიხაროდათ და თქვენს მხარდამჭერ უმრავლესობას რომ პატივს სცემდით, ეს არჩევისთვის გამოყენებული ეშმაკური ხერხი იყო, თუ ახლაც იგივე აზრზე ხართ, რომ კრიტიკული კითხვები კარგია და სწორია?!. 2022 წელი – „კობახიძე სერიოზულ პოლიტიკურ ფიგურად არ მიმაჩნია, დასავლეთში არანაირი აღიარება არ აქვს“, თქვენ ვინ მოგცათ უფლება, რომ ხალხის მიერ არჩეული პოლიტიკური ძალის ლიდერს, თავმჯდომარეს ლეგიტიმაციას უწუნებთ, ან კითხვის ნიშნის ქვეშ აყენებთ და ზოგადად კითხვა მაქვს თქვენთვის საკუთარი ხალხის ლეგიტიმაცია უფრო მნიშვნელოვანია, თუ დასავლეთის მხრიდან ლეგიტიმაცია, რომელიც ასევე აქვს ჩვენს პოლიტიკურ გუნდს და თავად ირაკლი კობახიძეს?!.

2017 წელი – „ჩემი მთავარი ამოცანა იქნება, რომ ხალხთან უფრო ახლოს ვიყო, ვიმუშაო ყველა იმ საკითხზე, რაც საზოგადოებას აწუხებს“. თქვენ სახალხო დამცველის ინსტიტუტი პირადი პოლიტიკური პრეფერენციების გამოსახატად აქციეთ და ხალხს თავი არა სახალხო დამცველად, არამედ სააკაშვილის დამცველად უფრო დაამახსოვრეთ. კანონდარღვევით შემოპარული და უამრავ დანაშაულებში დამნაშავე, ასევე ბრალდებული ექსპრეზიდენტის გამო, თქვენი ციხეში შესვლის რაოდენობა ოდნავ მაინც თუ მიდის ახლოს ხალხისთვის, სხვა ადამიანებისთვის ციხეში თქვენს ვიზიტებთან?! ან ყოფილხართ თუ არა საერთოდ ძალადობის მსხვერპლ კრიზისულ ცენტრებში, გიმუშავიათ თუ არა, ხმამაღლა გითქვამთ თუ არა ფემიციდთან დაკავშირებით, რომელიც უბრალოდ სიმბოლურად ანგარიშში აღნიშნეთ?!“, – განაცხადა წილოსანმა.

გააზიარეთ და მოიწონეთ სტატია:

მსგავსი სტატიები:

ივანიშვილი ხანდაზმულ კაცს პოლიტიკურად შეკერილი საქმით სასიკვდილოდ იმეტებს – ნიკა გვარამია მელაშვილის დაკავებაზე ბოდიშს ვუხდი მათ, ყველანი ვართ დამნაშავეები- ბუბა კიკაბიძე კარტოგრაფების საქმეზე ერთწლიანი ჩაკეტვის შემდეგ ენგურის ხიდზე მიმოსვლა განახლდა,სადაც მოქალაქეებს ტესტირებას უტარებენ “მწვანე ალტერნატივა” და “სოციალური სამართლიანობის ცენტრი” რიონის ხეობის მცველებთან თანამშრომლობას წყვეტენ “ეხლა რა მაინტერესებს, იქნებ, მართლა აქაა და ბადრი ესებუასთან ერთადაა სადმე, თბილ ბუხართან…იქნებ, ბადრი ესებუა სულაც მიშაა? ან იქნებ მიშა ბადრი ესებუაა?”-გრიგოლია დეპუტატ ვიქტორ სანიკიძეს კალათბურთის ფედერაციის პრეზიდენტობა სურს უკრაინელების მკვლელობის შეწყვეტისთვის საჭიროა პირდაპირი ემბარგო, ან გვითხარით – “იბრძოლეთ ბოლო უკრაინელამდე”-პოდოლიაკი ნათელაშვილი ოპოზიციის დეპუტატებს: დატოვეთ პარლამენტი და რეჟიმი რამდენიმე დღეში ჩამოემხობა