“ევროკავშირი გვთავაზობს…მეცენატს ოლიგარქი ვუწოდოთ”– პაპუაშვილი

პარლამენტის თავმჯდომარემ, შალვა პაპუაშვილმა, ევროპარლამენტის რეზოლუციასთან დაკავშირებით განცხადება გააკეთა. მისი თქმით, “თუ ჩავხედავთ ამ ტექსტს და იმ ნაწილს, რომელიც შესწორების სახით აღმოჩნდა დოკუმენტში, ვხედავთ, რომ ეს არის ჯორჯ ორუელისეული ტიპური „ნიუსპიკი“, როდესაც ჩვენ გვთავაზობენ, მეცენატს ვუწოდოთ ოლიგარქი, ქართული ჯარის გაქურდვით გაოლიგარქებულ ადამიანს ვუწოდოთ მედიამენეჯერი, ქართველი ხალხის ჩაგვრის სისტემის შემქმნელ მიხეილ სააკაშვილს ვუწოდოთ „დემოკრატიის შუქურა“ და ა.შ.”

მისი თქმით, ევროპელი პოლიტიკოსები რუსული პროპაგანდისტული მეთოდებით მუშაობენ.

„ჩვენმა მოსახლეობამ პირდაპირ ეთერში იხილა, რაც მოხდა. მომხსენებლის მიერ მომზადებული იყო რეზოლუციის პროექტი, რომელიც იყო დაბალანსებული და იმ ადამიანის მიერ შედგენილი, რომელიც ამ საკითხებით იყო დაკავებული. ვნახეთ, თუ როგორ მოხდა ამ რეზოლუციაზე თავდასხმა, შესწორებების ინიცირება. მერე როგორც აღინიშნა, საჭირო გახდა კომპრომისები იმისთვის, რომ საბოლოოდ გარკვეული ტექსტი შედგენილიყო. ვიტყოდი, რომ სამწუხაროდ, ეს არის არაჯანსაღი კომპრომისი, რაც ჩვენ ვიხილეთ იმ პროექტის საბოლოო ვერსიაში, რომელიც კომიტეტზე დამტკიცდა. საბოლოოდ, თუ ჩავხედავთ ამ ტექსტს და იმ ნაწილს, რომელიც შესწორების სახით აღმოჩნდა ამ ტექსტში, ვხედავთ, რომ ეს არის ჯორჯ ორუელისეული ტიპური „ნიუსპიკი“, როდესაც ჩვენ გვთავაზობენ, მეცენატს ვუწოდოთ ოლიგარქი, ქართული ჯარის გაქურდვით გაოლიგარქებულ ადამიანს ვუწოდოთ მედიამენეჯერი, ქართველი ხალხის ჩაგვრის სისტემის შემქმნელ მიხეილ სააკაშვილს ვუწოდოთ „დემოკრატიის შუქურა“ და ა.შ. „ნიუსპიკი“, ამოტრიალებული რეალობა და სიყალბე, რომლის აღიარებასაც გვთავაზობენ, რა თქმა უნდა, ჩვენ ასეთი სიყალბეების აღიარებას არ ვაპირებთ. ასეთი ამობრუნებული რეალობის შემქმნელი მხოლოდ ერთი სახელმწიფო მახსენდება, ეს არის რუსეთი. სამწუხაროა, როდესაც ხედავ ევროპელ პოლიტიკოსებს, რომლებიც რუსული პროპაგანდისტული მეთოდებით მუშაობენ. ჩვენი დამოკიდებულება არის ძალიან მარტივი და პირდაპირი – თეთრი ვერ გახდება შავი და შავი ვერ იქცევა თეთრად, მიუხედავად იმისა, ვის რა აღქმების შექმნა სურს. ამიტომ, სიმართლე ყოველთვის დარჩება სიმართლედ და ტყუილი ყოველთვის იქნება ტყუილი“, – თქვა შალვა პაპუაშვილმა.

გააზიარეთ და მოიწონეთ სტატია:

მსგავსი სტატიები:

ხაბეიშვილი: „ქართულ ოცნებას“ არჩევნები წაგებული აქვს და ამიტომ გადადიან ძალადობაზე ეკა ხოფერიამ აფხაზეთიდან  დევნილი მხატვრები შენობიდან გამოაძევა სასამართლოში ირაკლი ოქრუაშვილის საქმის წარმოება განახლდა უპატრონო ტომოგრაფი-გლდანის ციხეში თითქოსდა მიხეილ სააკაშვილისთვის მიტანილი აპარატი ამ დრომდე დაუმონტაჟებელია როგორი გზები იყო გურიაში 1897 წელს – რას წერს თედო სახოკია წყალში გადაყრილი ხალხის ფული – როგორ ფლანგავს “ოცნება” ბათუმის ბიუჯეტს “დაჟინებით სთხოვდნენ ევაკუაციას, ვიცოდით, რომ რუსული დესანტი მის მოსაკლავად იყო შემოსული….მან თქვა,- ავიღებ ავტომატს და ვიომებო” – რას ჰყვება ზელენსკის გარემოცვის წევრი? ექსქოცები პოლიტიკურ პარტიას აფუძნებენ: „გადაწყვეტილება ჯერ არ არის მიღებული“ – გურამ მაჭარაშვილი