ოფიციალური დეკლარირებული მონაცემების მიხედვით, საქართველოში ელექტროენერგიის წარმოება 2021 წელს, წინა წელთან შედარებით, 13.3 პროცენტით გაიზარდა და 12 645.1 მილიონი კილოვატსაათი შეადგინა. ამის შესახებ ინფორმაციას სტატისტიკის ეროვნული სამსახური ავრცელებს.
მათივე ცნობით, ელექტროენერგიის წარმოების გაზრდა ძირითადად განპირობებული იყო გაზრდილი წყალმოდინებით.
„საქსტატის“ ინფორმაციით, 2021 წლის განმავლობაში მოპოვებულია 35.5 ათასი ტონა ნედლი ნავთობი (2020 წელთან შედარებით 13.4 პროცენტით მეტი), 147.9 ათასი ტონა ქვანახშირი (წინა წელთან შედარებით 48.9 პროცენტით მეტი) და 16.0 მილიონი მ3 ბუნებრივი გაზი (წინა წელთან შედარებით 1.8-ჯერ მეტი).
გამოკვლევის შედეგების მიხედვით, 2021 წელს, წინა წელთან შედარებით, შეშის წარმოება 3.7 პროცენტით გაიზარდა და 1 256.5 ათასი მ3 შეშა შეადგინა. ამავე პერიოდში შემცირებულია სხვა ბიოსაწვავისა და ნარჩენების წარმოება.
„წარმოების სტრუქტურაში უდიდესი წილი (74.2 პროცენტი) მოდის ელექტროენერგიაზე. მეორე ადგილს იკავებს ბიოსაწვავი და ნარჩენებიდან წარმოებული ენერგია (16.0 პროცენტი), რომელიც ძირითადად წარმოდგენილია შეშის სახით, ხოლო დანარჩენი სახეობის ენერგორესურსები სტრუქტურაში შედარებით დაბალი წილით ხასიათდება,“ – აღნიშნულია ინფორმაციაში.
რაც შეეხება ელექტროენერგიის საბოლოო მოხმარებას, „საქსტატის“ ინფორმაციით, 2021 წელს ელექტროენერგიის საბოლოო მოხმარებამ 13 118.6 მილიონი კილოვატსაათი ელექტროენერგია შეადგინა, რაც წინა წლის მაჩვენებელზე 14.3 პროცენტით მეტია.
„2021 წლის მონაცემებით, ბუნებრივ გაზზე მოთხოვნის მოცულობამ 2 801.2 მილიონი მ3 (წინა წელთან შედარებით 3.8 პროცენტით მეტი) შეადგინა, ხოლო ბუნებრივი გაზის საბოლოო მოხმარებამ ამავე პერიოდში 2 226.5 მილიონი მ3 შეადგინა, რაც წინა წლის მაჩვენებელს 11.0 პროცენტით აღემატება.
2020 წელთან შედარებით, ბუნებრივი გაზის მოხმარება შინამეურნეობების სექტორში (9.3 პროცენტით მეტი) გაიზარდა. მოთხოვნის შესაბამისად, ბუნებრივი გაზის მოხმარება გაიზარდა კერძო და სახელმწიფო მომსახურების დარგში. უნდა აღინიშნოს, რომ საგზაო ტრანსპორტში ბუნებრივი გაზის მოხმარება შემცირებულია, რაც განპირობებულია გარკვეულწილად ფასის ზრდით და ბოლო პერიოდში თხევადი გაზის (LPG) მხრიდან გაზრდილი კონკურენციით. გასათვალისწინებელია აგრეთვე, რომ ქვეყანაში ჰიბრიდული და ელექტროავტომობილების რაოდენობის ზრდა ავტოტრანსპორტის მიერ ბუნებრივი გაზის მოხმარების შემცირებასაც განაპირობებს.
გამოკვლევის შედეგების მიხედვით, 2021 წელს ქვეყანაში მოხმარებულია 1 360.2 ათასი ტონა ნავთობპროდუქტი, (წინა წელთან შედარებით 5.6 პროცენტით მეტი). ენერგორესურსების მოხმარების სტრუქტურაში 39.0 პროცენტი მოდის ბუნებრივ გაზზე.
შედარებით მაღალი წილით ხასიათდება აგრეთვე ნავთობპროდუქტები (28.3 პროცენტი) და ელექტროენერგია (23.0 პროცენტი). წლის განმავლობაში მოხმარებული ენერგიის 4.8 პროცენტს შეადგენს ბიოსაწვავი და ნარჩენები, ხოლო დარჩენილი 5.0 პროცენტი მოდის ქვანახშირზე და გეოთერმულ ენერგიაზე.
2021 წლის ენერგორესურსების მოხმარების სექტორული ანალიზი გვიჩვენებს, რომ ენერგორესურსების ყველაზე დიდი მომხმარებელია შინამეურნეობების სექტორი, რომელზეც მოდის მთლიანი მოხმარების 30.7 პროცენტი. რაც შეეხება სხვა დარგებს, 30.6 პროცენტი მოდის ტრანსპორტის, 18.0 პროცენტი – მრეწველობის, 3.9 პროცენტი – მშენებლობის, 0.5 პროცენტი – სოფლის, სატყეო და თევზის მეურნეობის დარგებზე, ხოლო დარჩენილი 16.3 პროცენტი – კერძო და სახელმწიფო მომსახურებაზე და სხვა მომხმარებლებზე ნაწილდება,“ – აღნიშნულია ინფორმაციაში.
მსგავსი სტატიები:
11 მაისს ახალმთვარეობაა – ვისზე იმოქმედებს ის ყველაზე მეტად და როგორია ერთთვიანი პროგნოზი მთვარის კალენდრის მიხედვით
ცერცვაძე: “მაისის ბოლოსთვის „კომენდანტის საათიც“ მოიხსნება”
წულუკიანს არ ვიკადრებ – ტორესა მოსი “ლიტერაში” მონაწილეობაზე უარს ამბობს
საქართველოში უმაღლესი განათლების მქონე ადამიანების 32-38% უმუშევარია – კვლევა
საქართველომ ექსპორტით $3 მლრდ-მდე შემოსავალი მიიღო – TOP-10 პროდუქტი
ბახმაროში გათოვდა(ფოტოები)
ლანჩხუთის წმინდა გიორგი
ოჯახური ძალადობა – ოზურგეთელი პედაგოგი საზოგადოებისაგან მხარდაჭერას ითხოვს