მიხეილ სააკაშვილის ევროპის მრავალპროფილურ კლინიკაში კომპლექსური მკურნალობა ესაჭიროება. ეს არ შეიძლება საკამათო იყოს! ეს ქვეყნის და თითოეული ჩვენგანის ღირსების საკითხია! – ამის შესახებ საქართველოს პრეზიდენტის ძმამ, საფრანგეთში საქართველოს სათვისტომოს ხელმძღვანელმა, ოთარ ზურაბიშვილმა საქართველოს მესამე პრეზიდენტის ჯანმრთელობის მდგომარეობასთან დაკავშირებით განაცხადა.
როგორც ის სოციალურ ქსელში წერს, საქმე ეხება საქართველოს იმიჯს, რომელიც მიხეილ სააკაშვილის ჯანმრთელობის მდგომარეობის კიდევ უფრო გაუარესების შემთხვევაში, არ აღდგება.
„წელიწადზე მეტია, რაც მიხეილ სააკაშვილი დაპატიმრებულია საქართველოში. სამშობლოში დაბრუნებისას მან იცოდა, რომ დააკავებდნენ, რადგან საქართველოში ის დაუსწრებლად გაასამართლეს, მაგრამ მიუხედავად ამისა, მან ასეთი არჩევანი გააკეთა. დღეს არ მსურს ვისაუბრო არც ამ არჩევანზე და არც მისი საქციელის შეფასებაზე. ამის დრო არ არის.
მიხეილ სააკაშვილი, მიუხედავად იმისა, რა პრეტენზიებიც მის მიმართ შეიძლება გვქონდეს, იყო საქართველოს ის პრეზიდენტი, რომელმაც ქართული სახელმწიფოს შექმნას საფუძველი ჩაუყარა.
დღეს სამედიცინო ექსპერტთა კომიტეტმა მისი ჯანმრთელობის უკიდურესად მძიმე მდგომარეობის და სავარაუდო მოწამვლის შესახებ გაგვაფრთხილა. მას ესაჭიროება კომპლექსური მკურნალობა ევროპის მრავალპროფილურ კლინიკაში. ეს არ შეიძლება საკამათო იყოს! ჰუმანურობა მოითხოვს! ეს ქვეყნის და თითოეული ჩვენგანის ღირსების საკითხია!
ბოლოს და ბოლოს, საქმე ეხება საქართველოს იმიჯს, რომელიც მიხეილ სააკაშვილის ჯანმრთელობის მდგომარეობის კიდევ უფრო გაუარესების შემთხვევაში არ აღდგება. ეს სასწრაფოა! ეს აუცილებელია!“ – წერს ოთარ ზურაბიშვილი.
მსგავსი სტატიები:
ვაშაძე: ხალხის ნერვებზე თამაში ამ ქვეყანაში უნდა დავასრულოთ
სასამართლომ ნიკა მელია პატიმრობაში დატოვა
დედის გინებით დაწყებული დაპირისპირება ქვით სროლით გაგრძელდა _ რა მოხდა მჟავანაძეს და თოთიბაძეს შორის
“აღარ დავმალავ, უკვე მომაბეზრებელია…ენმ აგრძელებს დესტრუქციას”-წულუკიანი
“ივანიშვილი მიშას კი არა, ამ ქვეყნის წარსულს, აწმყოსა და მომავალს ათრევს დილეგის დერეფნებში” – ვახო სანაია
უკრაინაში, ქალაქ ჩუგუევში სკოლის დაბომბვას 15 წლის ბიჭი ემსხვერპლა
“რუსი ალიგარქები მოიკითხეთ თქვენს ტელევიზიებში” – კობახიძე ჟურნალისტებს
“მან ყველაფერი გააკეთა საქართველოს დასახმარებლად… უკრაინაში ყველაფერი საქართველოს გამო დატოვა” – ლიზა იასკო განცხადებას ავრცელებს