“პურის ფასი შენარჩუნებულია და სხვა პროდუქტების საფასურისგან განსხვვებით ის ბოლო პერიოდში არ შეცვლილა”-პურის მრეწველთა კავშირი

ბოლო პერიოდში, სხვა პროდუქტებისგან განსხვავებით, პურის ფასი არ გაზრდილა და ის თავის ნიშნულს ინარჩუნებს, – ამის შესახებ საქართველოს პურის მრეწველთა კავშირის თავმჯდომარე მალხაზ დოლიძემ “მთავარის” პრესკლუბში სტუმრობისას განაცხადა. მისივე ცნობით, მეზობელ ქვეყნებთან შედარებით საქართველოში პურპროდუქტეულის საფასური ყველაზე დაბალია.

„მინდა გითხრათ, რომ ფასი, როგორც ვწინასწარმეტყველებდით, ნამდვილად შენარჩუნებულია და სხვა პროდუქტების საფასურისგან განსხვვებით ის ბოლო პერიოდში არ შეცვლილა, ძირითადად დაახლოებით 1.5 ლარის ფარგლებშია, რაც ჩვენ მეზობელ ქვეყნებთან შედარებით ბევრად დაბალი ფასია.

ამჟამად საქართველოში 50 კილოგრიამიანი ტომარა ფქვილის ფასი, როგორც ადგილზე წარმოებულის, ისე იმპორტირებულის, 70 ლარია, რაც მწარმოებლებს ფასის შენარჩუნების შესაძლებლობას აძლევს“, – განაცხადა მალხაზ დოლიძემ.

დოლიძე აღნიშნავს, რომ საქართველოს ამჟამად ხორბლის და ფქვილის 3 თვიანი მარაგი აქვს, რომლის ძირითადი ნაწილიც რუსეთიდან შემოდის.

„სასურსათო უსაფრთხოება ქვეყანაში მარაგების შექმნას ნიშნავს, ამაზე ევროპამაც იმსჯელა და თქვეს, რომ ბიზნეს ოპერატორებმა ქვეყნებში სასურსათო სუვერენიტეტი უნდა შექმნან. მინდა გითხრათ, რომ ამ ეტაპზე ქვეყანაში ხორბლის და ფქვილის 3 თვიანი მარაგი გვაქვს და დღესაც, ბათუმში და ფოთში შემოსულია გემები, რომლებიც ქვეყანას ხორბალს სთავაზობენ, მისი საშუალო ფასი 350 დოლარია, რაც წინა წელთან შედარებით, როცა ფასი 550 დოლარზე იყო ასული, ბევრად ხელმისაწვდომია.

ძირითადი მომწოდებელი რა თქმა უნდა, რუსეთია. რუსეთიდან ძალიან ბევრ ქვეყანას გააქვს ხორბალი, რადგან წელს 150 მილიონი ტონა მოსავალი მიიღეს, რომელიც, რა თქმა უნდა, რეალიზაციაში უნდა წავიდეს, რადგან თვითონ რუსეთს წლიური მოხმარება მაქსიმუმ 40 მილიონი ტონა სჭირდება“, – განმარტავს პურის მრეწველთა კავშირის თავმჯდომარე.

მალხაზ დოლიძე მედიასთან ასევე აცხადებს, რომ წელს ბევრმა ქვეყანამ, მათ შორის საქართველომაც, ხორბლის წარმოება საგრძნობლად გაზარდა.

გააზიარეთ და მოიწონეთ სტატია:

მსგავსი სტატიები:

“ივანიშვილის უდავო ლიდერობა გარკვეული ფსიქოლოგიური კომფორტი იყო“-წულუკიანი 1 აშშ დოლარის ოფიციალური ღირებულება 3.3044 ლარი გახდა 8 ადამიანი საქართველოს ისტორიიდან, რომლის შესახებ მეტის ცოდნას ვისურვებდით “წელიწადში ორჯერ გურიაში გიდობას ვწევ ხოლმე”-გიორგი კეკელიძე ბახვი 1 ჰიდროელექტროსადგურის პროექტის გარემოს დაცვით და სოციალურ საკითხებზე მომუშავე მრჩეველთა საბჭომ მორიგი შეხვედრა გამართა პრინცესა ტერეზა გურიელი Therese princesse de gouries თუ ზელენსკის დაჯილდოებაზე არ ჩართავენ, ჩემს ოსკარს გადავადნობ – შონ პენი ადგილობრივი ექსპორტი წლიურად 24.9%-ით, 3.1 მლრდ აშშ დოლარამდე გაიზარდა