“მიხეილ სააკაშვილის ჯანმრთელობისა და სიცოცხლის შენარჩუნება მნიშვნელოვანი ჰუმანური და პოლიტიკური საკითხია და დიდ გავლენას მოახდენს ჩვენი ქვეყნის მომავალზე” – წერს ორგანიზაცია აღმოსავლეთ ევროპის ცენტრი მრავალპარტიული დემოკრატიისათვის.
ორგანიზაცია ხელისუფლებას მოუწოდებს, რომ მათი კომპეტენციის ფარგლებში უზრუნველყონ მიხეილ სააკაშვილის სიცოცხლისა, ღირსებისა და ჯანმრთელობის დაცვისათვის საჭირო ეფექტური და სწრაფი გადაწყვეტილებები და მისი სხვა ქვეყნის სამკურნალო დაწესებულებაში გადაყვანა.
“მიხეილ სააკაშვილის ჯანმრთელობისა და სიცოცხლის შენარჩუნება მნიშვნელოვანი ჰუმანური და პოლიტიკური საკითხია და დიდ გავლენას მოახდენს ჩვენი ქვეყნის მომავალზე.
საქართველოს არც ერთი პატიმარი, ყველაზე საშიში დამნაშავეც კი, არ უნდა იყოს იმ მდგომარეობაში, რომელშიც ყოფილი პრეზიდენტი სასამართლოს სხდომაზე ჩართვისას იხილა საზოგადოებამ.ადამიანის ღირსება და სიცოცხლე ყველა სხვა ინტერესზე მაღლა დგას.მიხეილ სააკაშვილს საქართველოს თანამედროვე სახელმწიფოდ ჩამოყალიბების საქმეში მნიშვნელოვანი წვლილი აქვს. ჩვენ გვესმის, რომ მრავალი ჩვენი თანამოქალაქისათვის იგი დღეს მიუღებელი პოლიტიკოსია. თუმცა იმას, თუ რას წარმოვადგენთ ჩვენ, როგორც საზოგადოება, ის კი არ განაპირობებს, თუ როგორ ვექცევით მათ, ვინც მოგვწონს, არამედ ის, თუ როგორ ვექცევით, მათ, ვინც ჩვენთვის მიუღებელია.
ჩვენ, როგორც საზოგადოებამ, არ უნდა მივცეთ საშუალება სიძულვილს, გვიკარნახოს ჩვენი ცხოვრების წესი. პოლიტიკური შეხედულებები არასოდეს უნდა გვკარნახობდეს სამართლებრივ განაჩენს.
მესამე პრეზიდენტის ამ ვითარებაში ყოფნის გაგრძელება, ხოლო უარეს შემთხვევაში, მისი სიკვდილი, ჩვენი ქვეყნისთვის კიდევ ერთი ტრაგედია იქნება, რომლის დაშვება არ შეიძლება.მოვუწოდებთ საქართველოს ხელისუფლების ყველა შტოს, მათი კომპეტენციის ფარგლებში უზრუნველყონ მიხეილ სააკაშვილის სიცოცხლისა, ღირსებისა და ჯანმრთელობის დაცვისათვის საჭირო ეფექტური და სწრაფი გადაწყვეტილებები და მისი სხვა ქვეყნის სამკურნალო დაწესებულებაში გადაყვანა” – წერია განცხადებაში.
მსგავსი სტატიები:
ჰანს კლუგე – გვირაბის ბოლოს სინათლე შეინიშნება, რადგან უკვე არსებობს იმედი ვაქცინის მიღებაზე, მაგრამ ამას მაინც დასჭირდება დრო
გიორგი გახარია დუმილს არღვევს!
მინდა, მივესალმო პოლიტპატიმარ რურუას, პოლიტპატიმარ ნიკა მელიას – სალომე სამადაშვილი
კამერები გამოაგზავნეთ… პირდაპირ ივანიშვილს ვხვდები იმავე სასტუმროში – სააკაშვილი
შეზღუდვა მოიხსნა კონცერტებზე, ფესტივალებზე და კვების ობიექტებზე
დაინიშნა თუ არა ცხემლისხიდის გამგებლის მოადგილე თანამდებობაზე მოზვერის სანაცვლოდ
„უცნობთან“ ხმა ამოვიღე და ატეხეს ერთი ამბავი, კარგი ტიპი გვეგონა და თურმე მიშას სიკვდილი უნდაო”
“ენერგიული, ამბიციური და ქარიზმატული ადამიანი ნელ-ნელა ქრება.. მამაჩემის მდგომარეობა დღითიდღე უარესდება” – ედუარდ სააკაშვილი