მწერალი და პოეტი ბესიკ ხარანაული მავნებლურს უწოდებს „უცხოური გავლენის აგენტების“ შესახებ რუსული კანონის ანალოგს, რომლის მიღებასაც საქართველოს პარლამენტში აპირებენ.
„ეს კანონი არის მავნებლობა, მავნებლური და არ შეიძლება მისი მიღება. იმდენად მავნებლურია, რომ დარწმუნებული ვარ, არ მიიღებენ.
ეს კანონპროექტი არის არაკანონიერი და არასამართლიანი. არ უწერია შესრულება“, – უთხრა „ნეტგაზეთს“ ბესიკ ხარანაულმა.
ხარანაული თვლის, რომ დაუშვებელია მსგავსი კანონის მიღება.
„შორიდან რომ ვუყურებ, ის ადამიანები, ვინც მაგ [“უცხოური გავლენის აგენტების”] სიაში უნდა შევიდნენ, ხომ ვიცნობ ერთ-ორ-სამს, ყველაზე კარგი ადამიანები არიან… ყველაზე სანდოები და ყველაზე პატრიოტები”.
მე ეს კანონი მიმაჩნია მიუღებლად, ეს ერთი, და მეორე – ყველაფერი დამთავრდება კარგად“,- ოპტიმიზმს ინარჩუნებს პოეტი.
საქართველოს საპარლამენტო უმრავლესობა გეგმავს კანონპროექტის მიღებას, რომლის ანალოგის დამტკიცების შედეგად რუსეთში არაერთი არასამთავრობო ორგანიზაცია ჯერ „უცხოურ აგენტად“ გამოაცხადეს, შემდეგ კი სრულად აკრძალეს. „უცხოური აგენტების“ შესახებ კანონით ქვეყანაში ებრძვიან მედიასაც.
ამჟამად უმრავლესობის წევრებს „უცხოური გავლენის აგენტების“ შესახებ ორი კანონპროექტი აქვს ინიციირებული: 1. როგორც თავად ამბობენ, აშშ-ში მოქმედი „უცხოური აგენტების რეგისტრაციის აქტის“ [FARA] “უფრო შერბილებულ” ვერსია და 2. “ალტერნატივის სახით ამერიკული კანონის ანალოგი”.
საქართველოში მსგავსი კანონის მიღებას აკრიტიკებენ როგორც ქვეყნის შიგნით, ასევე, მისი არმიღებისკენ ხელისუფლებას მოუწოდებენ დასავლელი პარტნიორებიც, მათ შორის, აშშ, ევროკავშირი, გაერო, ევროპის საბჭო.
ევროკავშირის საგარეო სამსახური „უცხოეთის გავლენის აგენტების“ კანონპროექტთან დაკავშირებით აცხადებს, რომ ის ეწინააღმდეგება 12-პუნქტიან რეკომენდაციებს, რომელიც საქართველომ უნდა შეასრულოს კანდიდატის სტატუსის მისაღებად.
მსგავსი სტატიები:
კალაძეს იშემიური გენეზის კოხლეო-ვესტიბულური დისფუნქცია დაუდგინდა
ლევან ვასაძე “საქართველოში პარტიები უნდა აიკრძალოს”
„ნაციონალურმა მოძრაობამ“ არც კი სცადა შეთანხმებაზე ხელი მოეწერა, ასე რომ ორივე მხარე საშინელ პოლიტიკურ თამაშს თამაშობს მოქალაქეების ხარჯზე”
“მე დღემდე ვიცოდი რომ ექიმისათვის არასამუშაო საათები არ არსებობს პაციენტთა მიმართებაში…გული მაქვს გახეთქვაზე”-ნიკოლოზ სააკაშვილი
პატიმრის მონახულება არის 7 ხორციელი მოწყალების საქმიდან ერთ-ერთი – მეუფე ნიკოლოზი მიხეილ სააკაშვილს შეხვდა
“საქართველოს მთავრობა, გამოიჩინეთ ღირსება, 2008 წლის ომის მონაწილეს 97 დღეა ცხინვალის ციხეში აწამებენ”
“უბედურება ის კი არ არის, რუსი რომ გიყურებს, როგორც საკუთარ ყმას, არამედ ის, რომ…” – რას წერს მამუკა გამყრელიძე?
რა კარგი იქნებოდა 100 ბიძინა ივანიშვილი რომ იყოს საქართველოში – ფრიდონ ინჯია