2023 მარტის თვიდან მთისპირისა და ჩხაკაურას სკოლებში ბახვი ჰესი არაფორმალური სახის სასწავლო ტრენინგ კურსის პროგრამას ანახლებს, რომელიც კომპანიის სოციალური პროგრამის საგანმანათლებლო ხაზის ერთ-ერთი პროექტია. ტრენერები გიორგი ბერეჩიკიძე და ხათუნა იოსავა კვლავ გააგრძელებენ გარემოს დაცვისა და განახლებადი ენერგიების კურსის სწავლებას, ქეთი ლობჟანიძე კი ახალგაზრდებს პროფესიული ორიენტაციის საფუძვლებს გააცნობს, მოუყვება ისეთ პროფესიებზე, რომელიც მომავლის პროფესიებადაა მიჩნეული დღესდღეობით მსოფლიოში. ეს არის მეცნიერება, ტექნოლოგიები, ინჟინერია და მათემატიკა, ეგრეთ წოდებული STEM მიმართულებები.
„აუცილებელია ახალგაზრდებმა იცოდნენ, თუ რა სიახლეებია დღესდღეობით შრომით ბაზარზე, სადაა კადრების დეფიციტი. ეს ინფორმაცია უაღრესად მნიშვნელოვანია, განსაკუთრებით კი იმ დროს, როცა იღებ გადაწყვეტილებას, თუ როგორ განავითარო შენი მომავალი. ცხადია, ნებისმიერ ადამიანს უნდა მოთხოვნადი პროფესია ჰქონდეს, სადაც ანაზღაურებაც მაღალია. სწორ დროს სწორმა რჩევამ, შესაძლოა მთელი ცხოვრება განსაზღვროს. ჩვენ ვახალისებთ იმ აბიტუროენტებს, ვისაც ენერგეტიკის, ინჟინერიის ან გარემოსდაცვის მიმართულებით სურთ სწავლის გაგრძელება. გარდა არაფორმალური ტრენინგებისა, სტუდენტიბის ხელშეწყობის მიზნით, კომპანია ბახვი ჰესი, აღნიშნულ ფაკულტეტებზე სწავლის საფასურის 80%-ს დაუფინანსებს მთისპირელ და ჩხაკაურელ ახალგაზრდას. ჩვენ დიდი სიამოვნებით შევუწყობთ მათ ხელს განათლების მიღების პროცესში, მით უფრო, რომ სექტორი ახალგაზრდა პროფესიონალების დანაკლისს განიცდის“ – აცხადებს დავით კობერიძე, ბახვი ჰესის გარემოსდაცვისა და სოციალური საკითხების მენეჯერი.
ტრენინგ კურსი ბახვი ჰესის სოციალური პროგრამის საგანმანათლებლო მიმართულების ერთ-ერთი პროექტია, რომელიც 2021 წლის გაზაფხულიდან არსებობს. 2022-2023 სასწავლი წლის პროგრამა სექტემბერში დაიწყო და ორივე სემესტრს მოიცავს. შეხვედრები მთისპირისა და ჩხაკაურას საჯარო სკოლებში თვეში ერთხელ ტარდება. პროექტი უფროსკლასელთათვის, კერძოდ 9,10,11,12 კლასების მოსწავლეებისთვის არის განკუთვნილი და მიზნად ისახავს ბავშვებში ცნობიერების ამაღლებას გარემოს დაცვით საკითხებში, ასევე, ცოდნის გაზიარებას განახლებადი ენერგიის წყაროების შესახებ და ინფორმაციის მიწოდებას პროფესიულ ორიენტაციის საკითხების ირგვლივ.
მსგავსი სტატიები:
„ეს უფრო გაქცევას ჰგავს, ვიდრე გამარჯვებულის პოზიციიდან გასვლას“-გია ხუხაშვილი
ჩინეთის ელჩი: სინოფარმი დამზადებულია ტრადიციული მეთოდით, ძალიან ცოტა გვერდითი ეფექტი აქვს
წულაია ივანიშვილს მიმართავს: წადი, ინდონეზია ნახე, ეგვიპტის პირამიდები, წადი რა, წადი
“მე ის მიკვირს, ხელისუფლება სააკაშვილს თვითმფრინავის გაგზავნას რატომ არ სთავაზობს”-უსუფაშვილი
“სასამართლოზე რატომ არ მიგყავთ პატიმარი, რომელიც თქვენი ინფორმაციით კარგად არის და დიეტაზეა?” – თინა ხიდაშელი
”საქართველოს დროშაზე ჯვარი და წმ. გიორგი აღარაა წმინდა და ერის მოღალატე კონსერვატორების ჯვრის ნიშანია წმინდა?”
სასწრაფოს თანამშრომლები დაბალ ხელფასს და ცუდ სამუშაო პირობებს აპროტესტებენ – „მთავრობას ანაზღაურება 175%-ით მოემატა, ექიმებს კი 24%-ით“
„ეს კანონი უვადო იზოლაციაში გვაბრუნებს“ — „იმედის“ ჟურნალისტი რუსა შელია