რატომ ვერ ახერხებთ, ყველასთვის შემწყნარებლობის და მიმტევებლობის მაგალითი გახდეთ – არმაზ ახვლედიანი პრემიერს

რატომ ვერ ახერხებთ, რომ პირადად თქვენ – მეორე ჯერზე საქართველოს პრემიერ მინისტრი, ყველასთვის შემწყნარებლობის და მიმტევებლობის მაგალითი გახდეთ – არ შეიძლება, ყოველთვის მტერს ხედავდე და თუ ხედავ მტერს, სცადე, რომ მოყვარედ აქციო! – ამ განცხადებით მიმართა ირაკლი ღარიბაშვილის პარლამენტის წევრმა არმაზ ახვლედიანმა.

ახვლედიანმა პრემიერ-მინისტრის მისამართით განაცხადა ისიც, რომ როგორც არ უნდა მოსწონდეს მას ოპოზიცია, უნდა გაითვალისწინოს, რომ ოპოზიციის უკან საქართველოს მოქალაქეები დგას და თუნდაც ხუთი მოქალაქე იდგეს, ამ ხუთ მოქალაქეს სცეს პატივი.

“გუშინ აშშ-ს საელჩოს ეზოში გისმენდით, როდესაც დამსწრე საზოგადოებას მიმართავდით. მომეჩვენა, რომ გუშინ სხვა პრემიერი იყო და დღეს სხვა საუბრობს. გუშინ თქვენი აქცენტები, ტონალობა სულ სხვა იყო და რატომ ვერ შესძლეთ დღეს აქ?

რატომ ვერ ახერხებთ, რომ პირადად თქვენ – მეორე ჯერზე საქართველოს პრემიერ მინისტრი, ყველასთვის შემწყნარებლობის და მიმტევებლობის მაგალითი გახდეთ – არ შეიძლება, ყოველთვის მტერს ხედავდე და თუ ხედავ მტერს, სცადე, რომ მოყვარედ აქციო! როდესაც მოყვარეს აქცევ მტრად, ეს უბედურებაა!

ვინ აგებს პასუხს იმაზე, რომ ბოლო პერიოდში არის ანტიდასავლური კამპანიის ნიაღვარი. შეუძლებელია, რომ მას, ვისაც მიაჩნია, რომ საქართველოს ევროატლანტიკური გზა უალტერნატივოა, აშშ-ს ელჩისა და მისი ქვეყნის მიმართ ასე საუბრობდეს, ნაცვლად იმისა, რომ მის წარმდგენ სახელმწიფოს მადლობას ვეუბნებოდეთ”, – განაცხადა ახვლედიანმა.

გააზიარეთ და მოიწონეთ სტატია:

მსგავსი სტატიები:

5 აპრილიდან 55 წელს ზემოთ მოქალაქეების ვაქცინაცია იწყება ევროკავშირი 2035 წლისთვის ბენზინზე მომუშავე მანქანების მოხმარებიდან და შესაბამისად, გაყიდვიდან სრულად ამოღებას გეგმავს ხელისუფლება აქციას უწყობდეს საკუთარ თავს პატიმრის ციხეში ჩალპობის მოთხოვნით, ეგეთი რამე მხოლოდ ამის მომწყობი ხელისუფლების ლპობის და დეგრადაციის ნიშანი შეიძლება იყოს-ზურაბიშვილი ცესკოს თავმჯდომარის წესის ცვლილება 19 აპრილის შეთანხმების კიდევ ერთი დარღვევაა-ISFED “ნასაკირალის ბრძოლამ მძლავრი ბიძგი მისცა რუსეთის იმპერიაში შეიარაღებულ აჯანყებას და დიდ ხნის განვლის შემდეგაც კაზაკები ერთმანეთს ეკითხებოდნენ: ,,Накирали знаешь?””-ირაკლი მახარაძე კურორტ ბახმაროში ლედ განათების სისტემის სამონტაჟო სამუშაოები დაიწყო რევოლუციური კომიტეტი შექმნეს იმ ლუქსში, სადაც სააკაშვილი დროებით ცხოვრობს – ვოლსკი რა გზას აირჩევს თურქეთი? – ისტორიული არჩევნები დასრულებულია