ოზურგეთის მუნიციპალური საკრებულოს თავმჯდომარე, დავით დარჩია, ქალაქის ცენტრში “მოსეირნე” მსხვილფეხა რქოსანი პირუტყვის “საქციელით” აღშფოთებულია და შესაბამისი უწყებებიდან ქმედითი ღონისძიებების გატარებას ითხოვს:
“გამევიარე აგერ ახლა სახლიდან სამსახურში მოსვლამდე და რას ვხედავ, დგანარიენ აი ძროხები და ტკვირავენ და ტკვირავენ, (გურული დიალექტი-ქართულად ღეჭვით ჭამას ნიშნავს) ამ ემენიუსებს. რაფერ გეიხარებს აგენი არ ვიცი მე”
თქვა დარჩიამ, ამ დღეებში, ოზურგეთის საკრებულოს სხდომის დაწყებისას.
ოზურგეთის ცენტრალურ ნაწილში ემენიუსის ჯიშის ხე-მცენარეები, ქალაქის მერის, ბეგლარ სიორიძის ინიციატივით დაირგო, თუმცა ამ მცენარეებმა ზრდა და განვითარება მსხვილფეხა რქოსანი პირუტყვების “შემოსევების” გამო ვერ შეძლო.
ემენიუსი თავდაპირველად ჭავჭავაძის ქუჩაზე გაშენდა, შემდეგ კი, მისი დარგვა აღმაშენებლის ქუჩაზე დაიწყო:
‘’მას შემდეგ რაც ემენიუსის ჯიშის მცენარეები ჭავჭავაძის ქუჩაზე დავრგეთ, აღნიშნულმა ნარგავებმა მოსახლეობაში ძალიან დიდი მოწონება დაიმსახურა. ამიტომ აღმაშენებლის ქუჩის მცხოვრებლებმაც ითხოვეს მათი ქუჩის იგივე მცენარით გამწვანება. შესაბამისად, ჩვენ გავითვალისწინეთ მოსახლეობის თხოვნა. გარდა იმისა, რომ ეს მცენარე ყინვაგამძლე და ვიზუალურად ეფექტურია, ადვილია მოსავლელადაც და მისთვის სასურველი ფორმის მიცემა მარტივია. მოგეხსენებათ, რომ ხსენებული ქუჩა ქალაქის ცენტრალური შემოსასვლელია, ის ქალაქის ერთგვარი სავიზიტო ბარათი გახლავთ და კმაყოფილი ვარ,რომ ამ ქუჩის სრულიად შეცვლილ და განახლებულ იერ-სახეს ემენიუსი ძალიან მოუხდა.’’ -კუდაბზიკობდა მაშინ, ქალაქის მერი, ბეგლარ სიორიძე.
ჯერ ჯერობით უცნობია, თუ რა ზომებს მიიღებს ადგილობრივი ხელისუფლება ქალაქში მსხვილფეხა რქოსანი პირუტყვების “თარეშის” აღმო0საფხვრელად.
მსგავსი სტატიები:
დავით დარჩია: “ხელისუფლების ჩამოგდებაზე ვსაუბრობთ რევოლუციის ვერსიას განვიხილავთ“
არჩილ თალაკვაძისა და ბეგლარ სიორიძის საიდუმლო “სერობა” “ოზურგეთი პლაზაში”
ცრუ დასმენა დღეს გასამართლებულ დეპუტატზე ლავრენტი ბიგვავამ განახორციელა
დავით დარჩიამ პოლონეთის დაძმობილებული ქალაქის მერს ბიუჯეტიდან ნაყიდი 54 ლარის ტყლაპი ჩაუტანა
პოლიციის უარი დავით დარჩიას – რატომ თქვა უარი ოზურგეთის პოლიციამ დეპუტატის დაპატიმრებაზე
ოპოზიცია ოზურგეთის მერს წინასაარჩევნო დაპირებების შეუსრულებლობაში ამხელს
როგორ ითვისებენ ასეულ ათასობით ლარს “ქართული ოცნების” მაღალჩინოსნები
დარჩია თუ ღურჯუმელიძე – ვინ “ჩაიბარებს” მმართველ პარტიას ოზურგეთში