დავით გარეჯის საქმეში ბრალდებულ ივერი მელაშვილის და ნატალია ილიჩოვას გირაოს სანაცვლოდ გათავისუფლების შუამდგომლობით პროკურატურამ საქალაქო სასამართლოს მიმართა. ამის შესახებ განცხადება საქმის პროკურორმა რამდენიმე წუთის წინ გააკეთა.
პროკურატურაში მიიჩნევენ, რომ ამ ეტაპზე აღარ არსებობს მტკიცებულებების განადგურების საფრთხე, ვინაიდან ბრალდების მხარის თქმით, მათ საქმეში ყველა მტკიცებულება უკვე მოპოვებული აქვთ.
შეგახსენებთ, რომ მთავარმა პროკურატურამ დავით გარეჯის საზღვრის დამდგენი კომისიის ხელმძღვანელი, ივერი მელაშვილი და კომისიის წევრი, ნატალია ილიჩოვა 2020 წლის 7 ოქტომბერს დააკავა.
გამოძიება მათ საქართველოს საწინააღმდეგო მოქმედებას ედავება. პროკურატურა ამტკიცებს, რომ დაკავებულებმა საზღვარი ჩვენი ქვეყნის საზიანოდ მონიშნეს, რის გამოც შეიქმნა საფრთხე, რომ საქართველოს ისტორიული ტერიტორია აზერბაიჯანის მხარეს აღმოჩენილიყო.
დავით გარეჯის საქმეზე გამოძიება 17 აგვისტოს დაიწყო, ის სისხლის სამართლის კოდექსის 308-ე მუხლის პირველი ნაწილით მიმდინარეობს და სასჯელის ზომად ათიდან თხუთმეტ წლამდე თავისუფლების აღკვეთას ითვალისწინებს.
მსგავსი სტატიები:
ამერიკა ივანიშვილს სანქციებს დაუწესებს – დევიდ კრამერი
ლიეტუვის წარმომადგენელი ხელისუფლებას: შეწყვიტეთ პოლიტიკური რეპრესიები
არჩილ თალაკვაძემ ირაკლი კობახიძე თავისუფლების ორდენით დააჯილდოვა
“ხელისუფლება მიწის, წყლის და მზის ქვეყნიდან, სამუშაოებზე უცხოეთში უშვებს ხალხს”
ეს ნაბიჯი ქვეყანაში კრიზისს კიდევ უფრო გაამწვავებს- არასამთავრობო ორგანიზაციები განცხადებას ავრცელებენ
“იმ დროში როდესაც სოციალური ქსელები არ არსებობდა”…
“ოცნება” – 32%, ენმ – 23%, “საქართველოსთვის” – 8% – IPSOS-ის კვლევა
პრემიერის მოხსენება იმისთვის არ იყო, რომ ოპოზიცია ყოფილიყო კმაყოფილი