ფარცხალაძე მაინც დარჩება სანქცირებული, როგორც რუსეთის მოქალაქე – თურნავა

“მე ვფიქრობ, რომ ფარცხალაძე მაინც დარჩება სანქცირებული, როგორც რუსეთის მოქალაქე. ჩვენი საგამონაკლისო წესიდან ის ცალსახად გამოირიცხება. ჩვენ გამონაკლისს ვუშვებთ მხოლოდ საქართველოს მოქალაქეებზე და მათ მიერ დაფუძნებულ კომპანიებზე”, – ამის შესახებ ეროვნული ბანკის ვიცე-პრეზიდენტი და პრეზიდენტის მოვალეობის შემსრულებელი ნათია თურნავა TV იმედის ეთერში საუბრობს.

„ამ ცვლილებების თანახმად, საქართველოს მოქალაქეზე სანქცია გავრცელდება მხოლოდ იმ შემთხვევაში, თუ მის მიმართ დაწესებული სანქციების საფუძველთან დაკავშირებით გამოტანილია საქართველოს სასამართლოს კანონიერ ძალაში შესული გამამტყუნებელი განაჩენი. ანუ ავტომატურად კი არ მოხდება სანქციის აღსრულება, არამედ მას შემდეგ, რაც დაცული იქნება ნებისმიერი ჩვენი მოქალაქის კონსტიტუციური ფუნდამენტური უფლება, უდანაშაულობის პრეზუმფციის პრინციპს არ დავარღვევთ და იქნება ძალაში შესული სასამართლო გადაწყვეტილება. რატომ ოთარ ფარცხალაძე? მარტივად, იმიტომ რომ ეს იყო პირველი შემთხვევა.

მე ეს უკვე ვთქვი და გავიმეორებ – არ მაინტერესებს სახელი და გვარი. ჩვენ შეიძლება გვქონდეს საქმე ისეთ შემთხვევასთან, როდესაც ფარცხალაძე აღარც იქნება ამ რეგულაციის სუბიექტი. ყოველთვის ვამბობდი, რომ ჩვენი მთავარი ამოცანა არაა კონკრეტული პიროვნების დაცვა, ეს თანაბრად შეეხება საქართველოს ნებისმიერ მოქალაქეს. სანქციები არ არის ერთი და ორი დღის მოვლენა, ეს შეიძლება წლები გაგრძელდეს. ნაკისრი გვაქვს საერთაშორისო ვალდებულება, რომ დავიცვათ სანქციები, ჩვენ ამას გავაკეთებთ, მაგრამ სწორედ იმიტომ, რომ ამ პროცესში არანაირი კითხვა არ გაჩნდეს, ყოველთვის, როცა დავინახავთ აუცილებლობას, დავხვეწთ ამ მექანიზმს და საქართველოს მოქალაქეები იქნებიან უფრო მეტად დაცულები, იმიტომ რომ მათ იცავთ კონსტიტუცია.

ალბათ ეს უფრო სამართლებრივად უნდა განიმარტოს, მაგრამ მე ვფიქრობ, რომ ფარცხალაძე მაინც დარჩება სანქცირებული, როგორც რუსეთის მოქალაქე. ჩვენი საგამონაკლისო წესიდან ის ცალსახად გამოირიცხება. ჩვენ გამონაკლისს ვუშვებთ მხოლოდ საქართველოს მოქალაქეებზე და მათ მიერ დაფუძნებულ კომპანიებზე“, – ამბობს თურნავა.

გააზიარეთ და მოიწონეთ სტატია:

მსგავსი სტატიები:

სავაჭრო ცენტრები გაიხსნა – City Mall-ში რობოტი პეპერი მუშაობს ციხის კარის გასაღები ნიკა მელიას და მის თანაგუნდელებს აბარიათ, გადაიხდიან – ჩხაკ, გასაღებს გადაწევენ – სუბარი შეხვედრები მოსახლეობასთან გრძელდება “მეხუთე ტალღა დაწყებულია” – ამირან გამყრელიძის თქმით ეპიდსიტუაცია უარესდება გიორგი თარგამაძის ედიტორიალი: რუსული შამფურის ამარა?! “ფრანგებს და გერმანელებს რომ მოეცათ ბუქარესტის სამიტზე მაპი დღეს ამ ჯოჯოხეთში არ იქნებობდა უკრაინა და ჩვენც ავირიდებდით 2008 წლის ომს”-ბესო ქათამაძე ინფრასტრუქტურული სამუშაოები ჩოხატაურში კობახიძემ მიწოდა საცოდავი კაცი – “ჩემი შენ გითხარიო, გული მოგიკალიო” – ლევან ბერძენიშვილი