იაპონიის პრემიერ-მინისტრი – მზად ვართ, მხარი დავუჭიროთ უკრაინას ტერიტორიული მთლიანობის აღდგენის საქმეში

უკრაინის პრემიერ-მინისტრი დენის შმიგალი იაპონიას მოუწოდებს, მხარი დაუჭიროს მისი ქვეყნის რეკონსტრუქციასა და მოდერნიზაციას, რადგან ის იცავს თავს რუსეთის შეჭრისგან.

„კერძო სექტორი არის უკრაინის აღდგენის ყველაზე მნიშვნელოვანი ძრავა”, – აღნიშნა შმიგალმა ტოკიოში მიმდინარე კონფერენციაზე.

უკრაინის პრემიერ-მინისტრის თქმით, რუსეთის მიერ გაჩაღებული ფართომასშტაბიანი ომის დაწყებიდან იაპონიამ მის ქვეყანას 10 მილიარდ დოლარზე მეტი გაუგზავნა, რითაც კიევის სიდიდით მეოთხე დონორი გახდა.

„კომპანიები, რომლებიც ახლა ინვესტიციას ახორციელებენ უკრაინის ეკონომიკაში, მიიღებენ სარგებელსა და შესაძლებლობებს უახლოეს წლებში, რასაც არც კი დაიჯერებთ“, – აღნიშნა დენის შმიგალმა.

თავის მხრივ, იაპონიის პრემიერ-მინისტრმა ფუმიო კიშიდამ დაადასტურა მისი მთავრობის მზადყოფნა, მხარი დაუჭიროს უკრაინას თავისუფლებისა და დამოუკიდებლობის დაცვაში, ასევე ტერიტორიული მთლიანობის აღდგენის საქმეში. გარდა ამისა, მისი თქმით, იაპონია გრძელვადიან დახმარებას გაუწევს უკრაინის ეკონომიკის სტაბილიზაციას.

მხარეებმა ხელი მოაწერეს რიგ შეთანხმებებს, მათ შორის ინფრასტრუქტურის აღდგენის, ასევე განაღმვისა და სოფლის მეურნეობის სფეროში თანამშრომლობის შესახებ. შეგახსენებთ, იაპონიაში უკრაინის რეკონსტრუქციისა და აღდგენის საკითხზე კონფერენცია მიმდინარეობს, რომელშიც უკრაინისა და იაპონიის მთავრობებისა და ბიზნეს სექტორების 300-მდე წარმომადგენელი მონაწილეობს.

გააზიარეთ და მოიწონეთ სტატია:

მსგავსი სტატიები:

არ შეწყვიტო ბრძოლა, რუსეთი დღესაც ოკუპანტია! – დეკანოზი “ღარიბაშვილი არ ემსახურება ქვეყნის ინტერესებს… მთავრობაში ცვლილებების დროა” განსხვავებული ბიულეტინები უნიკალური შტრიხკოდით და რემოდელირებული საარჩევნო კაბინები შიშველი ჩამომიყვანეს მეხუთე სართულიდან, ფიზიკურად მისწორდებოდნენ იმის გამო, რომ ივანიშვილს ვაგინე – პოლიტიკური მოტივით დაკავებული ყოფილი პოლიციელის სკანდალური ჩვენება ვწუხვარ, რომ ანწუხელიძის და ტატუნაშვილის ნაცვლად, ახლა ამათ ჰქვიათ ქართველი ოფიცრები- მიხეილ სააკაშვილი ჩუბინიძეზე “ბრძოლა საქართველოშიც მოგვიწევს და გული არ დაგწყდეთ ვინც ვერ მოდიხართ” – ირაკლი ოქრუაშვილი „სიჩუმე-დუმილი, აი ეს არის ჩემი რეაქცია, იმ დიდი ბოროტების საზიზღრობის მიმართ ვისაც დუგინი ჰქვია“ უნიკალური აღმოჩენა – საქართველოში იპოვეს გველი, რომელსაც ფაფარი აქვს