“სესხების ჩამოწერა შეუძლებელია, თუმცა ბანკები ითვალისწინებს მსესხებლების სირთულეებს”-გვენეტაძე

ეროვნული ბანკის პრეზიდენტის კობა გვენეტაძის განცხადებით, სესხების ჩამოწერა შეუძლებელია, თუმცა ბანკები და მიკროსაფინანსო ორგანიზაციები მაქსიმალურად ითვალისწინებენ იმ სირთულეებს, რომლებიც მსესხებლებს აქვთ.

როგორც კობა გვენეტაძემ სესხების გადავადების საკითხის კომენტირებისას აღნიშნა, საბანკო სექტორი აგრძელებს სირთულეების მქონე მსესხებლების ფინანსური მდგომარეობის შესწავლას და მათზე მორგებული გადახდის განრიგის შეთავაზებას.

„ბანკებს საკმარისი ლიკვიდური რესურსი აქვთ, რომ ამ კუთხით გამოწვევებს უპასუხონ. დეკემბრიდან ეროვნული ბანკის წახალისებით, კომერციულმა ბანკებმა გადავადების მესამე ტალღა დაიწყეს. იმ მსესხებლების შემთხვევაში, რომლებიც შემოსავლების შემცირება-დაკარგვის გამო ვერ ახერხებენ გადახდას და საშეღავათო პერიოდი სჭირდებათ, ეროვნული ბანკი კომერციულ ბანკებს არ სთხოვს მოსალოდნელი დანაკარგის დამატებითი რეზერვის შექმნას. ეს ამ სიტუაციაში აუცილებელია. ხშირად ამბობენ ხოლმე, საერთოდ რატომ არ ხდება ამ სესხების ჩამოწერა. მოგეხსენებათ, რომ გაცემული სესხები არის ვალდებულებებით, რომელიც ბანკს აქვს და მასზე პროცენტის დარიცხვა არ შემცირებულა, აქედან გამომდინარე, შეუძლებელია, რომ ასეთი ჩამოწერები მოხდეს, მაგრამ ბანკები და მიკროსაფინანსო ორგანიზაციები მაქსიმალურად ითვალისწინებენ იმ სირთულეებს, რომლებიც მსესხებლებს აქვთ და ცდილობენ, რომ გადახდების ახალი განრიგი მოარგონ“,-აღნიშნა კობა გვენეტაძემ.

გააზიარეთ და მოიწონეთ სტატია:

მსგავსი სტატიები:

7 ათასი ლარი იმისთვის, რომ სოფლის რწმუნებულები ლურჯი ტანსაცმლით შემოსონ გაუფასურებელი ლარის ფონზე პურზე ფასების მატებას არ გამორიცხავენ რა განსხვავებაა ქართველებსა და გერმანელებს შორის – დეკანოზი თამაზ ლომიძე ლარში გაცემულ სესხებზე საპროცენტო განაკვეთი გაიზარდა რას უშვება ჰესები მდინარეებს-ფოტოამბავი გუბაზოულიდან იკრძალება თუ არა ბოლო ზარი, ბანკეტი და ექსკურსია – განათლების სამინისტროსა და შსს-ს განმარტებები მეთორმეტეკლასელებს გაძვირდება თუ არა საქალაქთაშორისო მგზავრობა ტყეში ცეცხლის დანთება და საქონლის ძოვება მხოლოდ სპეციალურ ადგილებში იქნება შესაძლებელი