ტრადიციული გურული კბილის საწმენდი „ფხვნილი“

გიორგი ლომთათიძის მიერ გურიაში (ჩოხატაურში) ჩაწერილია პირის ღრუსა და კბილების მოვლის ტრადიცია, ასევე კბილის საწმენდი საშუალება და მისი მომზადების წესი (ქართული ხალხური პროფილაქტიკა, ჰიგიენა და სანიტარია, მასალები. ლომთათიძე 1939 წელი).

„პირადი ჰიგიენის ტრადიციების საილუსტრაციოდ გურიაში დადასტურებული პირის ლრუსა და კბილების მოვლის ტრადიციებიც იკმარებდა. გურიაში ჭამის შემდეგ პირს წყლით, მარილწყლით ან ღვინით გამოივლებდნენ. ამზადებდნენ სპეციალურ კბილის გასახეხ ფხვნილსაც: გაცეხვილი ღომის მარცვლებს დაწვავდნენ, დაფხვნიდნენ და შიგ დამწვარ შაბს გაურევდნენ. კბილის „საჩიჩქნად” კი ბატის წვერწამახვილებულ გამოხარშულ ფრთას ხმარობდნენ.“

– ქართველი ხალხის ტრადიციული სამედიცინო კულტურა – ნინო მინდაძე (2013)

– გურული – ილუსტრაცია 1878 წლის გერმანული იულუსტრირებული ჟურნალიდან (Über Land und Meer : deutsche illustrierte Zeitung. 1878 #6; Stuttgart : Dt. Verl.-Anst., 1878)