რუსეთში, უკრაინის ომის მოწინააღმდეგე რუსი აქტივისტი პაველ კუშნირი 39 წლის ასაკში, წინასწარი დაკავების იზოლატორში გარდაიცვალა. ამის შესახებ ინფორმაციას რადიო თავისუფლების რუსული ბიურო ავრცელებს.
შემთხვევა რუსეთის ებრაული ავტონომიური ოლქის ქალაქ ბირობიჯაში მოხდა. რუსი აქტივისტი 39 წლის იყო. ის 27 ივლისს უკრაინის ომის გასაპროტესტებლად დაწყებული მშრალი შიმშილის შედეგად გარდაიცვალა.
პაველ კუშნირი ფილარმონიაში მუშაობდა. მან გამოაქვეყნა წიგნი, სადაც გმობდა ომს. გარდა ამისა, მას ანტიფაშისტური ხასიათის YouTube არხიც ჰქონდა.
კუშნირი უკრაინაში რუსეთის სამხედრო აგრესიის კრიტიკისთვის დააკავეს. მისი დაკავების შესახებ პირველად სოციალურ ქსელ Вконтакте-ზე გვერდმა, სახელით „არატიპური ბირობიჯანი“ გამოაქვეყნა. გვერდის წევრების თქმით, კუშნირი მაისის ბოლოს ФСБ-მ დააკავა, რომელმაც კუშნირის ნივთებში FBI-ს აგენტის თვითნაკეთი მოწმობა აღმოუჩინა. კუშნირის წინააღმდეგ სისხლის სამართლის საქმე ტერორისტული საქმიანობისკენ საჯარო მოწოდების მუხლით აღიძრა.
კუშნირის სიკვდილის შესახებ მისი მეგობრისგან, მუსიკოსი ოლგა შკრიგუნოვასგან და „მჯდომარე რუსეთის“ პროექტის ხელმძღვანელისგან, ოლგა რომანოვასგან გახდა ცნობილი.
მსგავსი სტატიები:
კორონავირუსის საწინააღმდეგო ვაქცინით პირველ რიგში სამედიცინო მუშაკები აიცრებიან – გამყრელიძე
რაჭველიშვილი: ბერას კრიტიკის შემდეგ ჩემს მულს ვიღაც ბიჭი მანქანაში შეუვარდა და აშინებდა
“რიონის მცველები” რუსთაველის მეტროს ჩაკეტვას აპირებენ
ვაქცინირებული ადამიანები „შიკოლის“ შოკოლადს ფასდაკლებით შეიძენენ
ოპოზიცია ოზურგეთში მმართველი პარტიიდან ახსნა განმარტებებს ითხოვს
საქართველოში ფასებმა ყველა პროდუქტზე მნიშვნელოვნად მოიმატა
„2008 წელს, კბილებამდე შეიარაღებულმა ჯარმა ვერ დაგვიპყრო და 2022 წელს დეზერტირებმა შიშველი ხელებით აიღეს ქვეყანა“
გმადლობთ, ქალბატონო პრეზიდენტო, გამბედაობისა და ლიდერობის კიდევ ერთი მაგალითისთვის -ჰელსინკის კომისია გვარამიას შეწყალებაზე