უვიზო რეჟიმის დროებითი შეჩერება დამოკიდებულია მოვლენების განვითარებაზე – პაველ ჰერჩინსკი

ყველა ვარიანტი მაგიდაზეა, მათ შორის უვიზო რეჟიმის დროებითი შეჩერება, რაც დამოკიდებულია მოვლენების განვითარებაზე, – ამის შესახებ საქართველოში ევროკავშირის ელჩი პაველ ჰერჩინსკი აცხადებს.

მისი თქმით,  ევროკავშირი მონიტორინგს უწევს მოვლენების განვითარებას და მზადაა რეაგირებისთვის.

„ევროკავშირმა პრეზიდენტებისა და პრემიერ-მინისტრების დონეზე გამოხატა შეშფოთება საქართველოში მოვლენების ტრაექტორიასთან დაკავშირებით. ნამდვილად შეშფოთებული ვართ, რომ რეფორმების ნაცვლად, რომელიც საქართველოს ახლოს მიიყვანდა ევროკავშირთან, სამწუხაროდ, ბოლო თვეებში რამდენიმე მოვლენა იყო, რომლებიც ზრდის მანძილს საქართველოსა და ევროკავშირს შორის. ვთქვით, რომ ყველა ვარიანტი მაგიდაზეა, მათ შორის უვიზო რეჟიმის დროებითი შეჩერება, რაც დამოკიდებულია მოვლენების განვითარებაზე.

ჩვენ მონიტორინგს ვუწევთ ამ მოვლენებს და ვიმედოვნებთ, რომ კამპანია იქნება მშვიდობიანი და ძალადობის გარეშე და რომ არჩევნები იქნება თავისუფალი და სამართლიანი. ასე გვინდა მოვლენები განვითარდეს, მაგრამ გაუარესების შემთხვევაში შეგვიძლია გამოვიყენოთ ჩვენი ბერკეტები და ერთ-ერთი უვიზო რეჟიმის შეჩერებაა“, – აღნიშნა პაველ ჰერჩინსკიმ.