კესარია აბრამიძის მკვლელობაში ბრალდებულ ბექა ჯაიანს აღკვეთი ღონისძიების სახით თბილისის საქალაქო სასამართლომ ორთვიანი წინასწარი პატიმრობა შეუფარდა.
ჯაიანი ამ დრომდე დუმილის უფლებით სარგებლობს, თუმცა არსებობს ფარული საგამოძიებო მოქმედებისას მოპოვებული ჩანაწერი, სადაც ბექა ჯაიანი მკვლელობის დეტალებზე საუბრობს. ირკვევა რომ ჯაიანს დანაშაული წინასწარ ჰქონდა დაგეგმილი. დანა, რომლითაც მან პარტნიორ ქალს 28 ჭრილობა მიაყენა რამდენიმე საათით ადრე შეიძინა და მსხვერპლი შეხვედრაზე მოტყუებით დაითანხმა.
მოკლულის მეგობარმა, თამუნა მუსერიძემ დღეს გაასაჯაროვა ხმოვანი შეტყობინებები, რომელიც აპრილისაა და სადაც კესარია აბრამიძე თავად ყვება, როგორ ემუქრებოდა ჯაიანი.
“ერთი თვეა დაშორებულები ვართ, მაგრამ ეს ერთი თვე სულ მივარდებოდა სახლში და უარესებს აკეთებდა. წამოსული რომ ვარ, მაინც მიდის სახლში რა და მაინც არ მანებებს თავს, რომ ჩამოდი ჩამოდი მანიპულირებს, მენატრები ამბები.
მერე თავის ძმაკაცმა მითხრა, მაგიტომ გიბარებს, რომ იძახის დავბრიდავ და თავსაც მოვიკლავო, ეხლა მაგას ესე ვუყურო ვერ ავიტანო.
სულ მეუბნებოდა ისე, თუ დაგშორდებიო დაგბრიდო მირჩევნიაო, იმიტომ რომ ჩემს მერე სხვასთან წახვიდე მაგას ვერ ავიტანო.
ნუ ეგეთი ტიპია რა, ავადმყოფი. აი გამწარებული რომ დავშორდი. და რომ დავშორდი, ვითომ წამლები დალია და თავს იკლავდა, ოღონდ ვითომ კამერით დამანახა და თვითონვე მივიდა საავადმყოფოში ამოსარეცხად. ხო და აი ესეთი მანიპულატორი ტიპია. რომ ჩამოვიდა, უეჭველი ვიცი მაინც მომადგება, ან თბილისში გადამეყრება უეჭველი და რაღაც ** მოხდება და ნუ რა ვქნა არ ვიცი, დაჭერაც არ მინდა და რა გავაკეთო” ისმის ჩანაწერში კესარია აბრამიძის ხმა.
ჯაიანის წინასასამართლო სხდომა 7 ნოემბერს ჩაინიშნა.
მსგავსი სტატიები:
ავტოსაგზაო შემთხვევა ოზურგეთში-დამტვრეულია 6 ავტომობილი
საგანგებო სიტუაციების მართვის სამსახური ტემპერატურის მკვეთრ მატებასთან დაკავშირებით მოსახლეობას აფრთხილებს
ფული,რომელიც ამომრჩევლის მოსასყიდად შედის ოჯახში, საკუთარი სინდისის გაყიდვას ემსახურება”
უკიდურესი პროტესტი თავისუფლებისთვის – ენმ-ის ოფისში შიმშილობის მე-6 დღე
კუნძულ ზმეინიზე უკრაინის თავდასხმის შემდეგ, რუსეთმა შავ ზღვაში ფლოტი გააქტიურა
დღეს, ფოლკლორის ცენტრში კულტურის დამსახურებული მოღვაწის, ტრისტან სიხარულიძის სახელობითი ვარსკვლავის გაიხსნა
საქართველო ბელარუსთან უფრო ახლოსაა, ვიდრე მოლდოვასთან, რუსეთი თავის გეგმას ახორციელებს – იუკნევიჩიენე
ლაშა ბაქრაძის განცხადებებმა და ქცევებმა ეჭვქვეშ დააყენა სამინისტროს რეპუტაციაც – წულუკიანი