არჩევნების გაყალბების გზით თუ შეეცდებიან ხელისუფლებაში დარჩენას, ბუნებრივია, სათანადო პროტესტი იქნება – დავით უსუფაშვილი

მონდომებული ვარ, კოალიცია შედგეს. დარწმუნებული ვარ, ოპოზიციურ ძალებს გვეყოფა არამარტო პატრიოტიზმი და კეთილგონიერება, არამედ პოლიტიკური განსჯის უნარი, რომ ამ უმძიმეს ვითარებაში, არჩევნების შემდეგ, როდესაც „ქართული ოცნება” დამარცხებული იქნება და ოპოზიციას ჯამური უმრავლესობა ექნება, ეს ჯამური უმრავლესობა არ გადავაყოლოთ არაფერს, – ამის შესახებ „ძლიერი საქართველოს” ერთ-ერთმა ლიდერმა დავით უსუფაშვილმა „პალიტრანიუსის”ეთერში განაცხადა.

როგორც მან აღნიშნა, ის მოელის მმართველი გუნდისგან პროვოკაციებს, რათა ოპონენტების დემორალიზაცია მოხდეს, იქნება ეს „ფეიკ” ჩანაწერები თუ სხვა.

„მათი მხრიდან ბოლო კვირებსა თუ დღეებში პროვოკაციებს ველი იმისთვის, რომ მოხდეს ოპონენტების დემორალიზაცია, „ფეიკ” ჩანაწერები იქნება, თუ უფრო უარესი, მაგრამ მგონია, იმდენად მოიჭრეს თავი, იმდენად აღარ სჯერა მოსახლეობას მათეული მოვლენების ინტერპრეტაციის, რომ ეს ხრიკი არ უნდა გამოუვიდეთ. მჯერა, ოპოზიციის შიგნით მოხერხდება არჩევნებამდე სათანადო კოორდინაციით მისვლა, არჩევნების დღეს და ღამეც შტაბების დონეზე გვაქვს ოპოზიციურ პარტიებთან ურთიერთობა, რომ გავაძლიეროთ ჩვენი ხმების დაცვის სისტემა. საერთაშორისო ორგანიზაციის პოზიციებიც მნიშვნელოვანია.

არჩევნების გაყალბების გზით თუ შეეცდებიან ხელისუფლებაში დარჩენას, მაშინ ბუნებრივია, სათანადო პროტესტი იქნება. კონსტიტუციური ჩარჩოები იმიტომ არსებობს, რომ ამ ჩარჩოებში ყველა უფლება იყოს გამოყენებული მათ შორის, პროტესტი, საჩივარი და ასე შემდეგ. ვერ ვხედავ იმ სცენარს, რომელშიც ხელისუფლება გაიმარჯვებს”,- აღნიშნა უსუფაშვილმა.

ამასთან, კითხვაზე, თუ რატომ არ არის კოალიციის საპარლამენტო სიაში, უსუფაშვილმა განმარტა:

„ჩავთვალე, რომ დროა ამპლუა შევიცვალო. გაცილებით მეტ დროს ვახმარ პარტიული მშენებლობის თემებს, იმ ადამიანების გვერდში ყოფნის ამოცანას, რომლებიც „ლელოსა” და „ძლიერ საქართველოში” უხვად არიან. მირჩევნია გეგელიასთან, ბუაძესთან, დოლიძესთან და სხვებთან მეტი დრო გავატარო. პოლიტიკური წარმატებისთვის ვიზრუნო, ვიდრე თავად მე. საზოგადოებრივი პროექტია საჭირო, საჭიროა სახელმწიფოებრიობის კულტურის გავრცელება ქვეყანაში. ეს ბევრი გზით არის საჭირო. მე გუნდის აქტიური მხარდამჭერი ვიქნები”,-აღნიშნა უსუფაშვილმა.

ამასთან, მან განმარტა, რომ ოპოზიციის გამარჯვების შემთხვევაში ის არ გეგმავს, რომ მთავრობაში იყოს წარმოდგენილი.

გააზიარეთ და მოიწონეთ სტატია:

მსგავსი სტატიები:

სააკაშვილს უნდა რამენაირად დაიბრუნოს ძალაუფლება- ღარიბაშვილი მთელი რიგი საკითხები გაუთვალისწინებელი დარჩა – ვენეციის კომისია და ეუთო/ოდირი საარჩევნო რეფორმაზე ოზურგეთელი ვექილი – ლომკაცი ხუტუს ძე აბაშიძე ვინ საიდან მოდის – გურული დეპუტატების ფერიცვალება და „ქამელეონები“ საკრებულოებში “მადლობა თაკო ჩარკვიანს…”-გიული ალასანია აქციების დაწყების მომხრეა “ჩემს ძმასაც 7 მილიონი რომ ჰქონდეს აღებული ფონდისგან, მეც მშვიდად ვიქნებოდი” – დაპირისპირება უცნობსა და ჯაფარიძეს შორის კეთროვან სახელმწიფოსთან არ შეიძლება ვალსების და ტანგოების ცეკვა – ალეკო ელისაშვილი რუსეთმა კურსკის რეგიონში საგანგებო მდგომარეობა გამოაცხადა