ოზურგეთში სპორტული მოედანი თვეში ორჯერ გააპიარეს, გახსნეს და ისე გამოაქვეყნეს, რომ ტექსტის შეცვლაც დაავიწყდათ – ნიკოლაშვილი

”სადმე გინახავთ სპორტული მოედნის გახსნაზე, მერი ტრიბუნით დადიოდეს?  თუ არა, ოზურგეთში ნახავთ – ავთანდილ თალაკვაძე / Avtandil Talakvadze ჩოგბურთის მოედნის გახსნაზე პერსონალური ტრიბუნით მივიდა.

გახსნა და მადლობებიც არ დავიწყებია, მაგრამ ამ ამბავში, მოსიარულე ტრიბუნას რომ თავი დავანებოთ, მთავარი ის არის, რომ კორტები ორჯერ გახსნა – სქრინიც აქაა – 1 თვეში ორჯერ გააპიარეს, გახსნეს და ისე გამოაქვეყნეს, რომ ტექსტის შეცვლაც დაავიწყდათ.

ნუ, სამადლობელ ტექსტში ვანო ჩხარტიშვილი ჩაამატეს. ალბათ, წინაზე გამორჩა და მამამარჩენლის განაწყენება, ვის, ვის და თალაკვაძეს არ უნდა აწყობდეს – ჯანდაცვის სამინისტროდან გაგდებული ხომ სწორედ ჩხარტიშვილმა შეიფარა და მერადაც დასვა.

რაც მთავარია, ეს ყველაფერი ევროკავშირის დაფინანსებით გაკეთდა, დიდი ხნის წინ უნდა დასრულებულიყო, მაგრამ წინასაარჩევნოდ ელოდნენ შესაბამის დროს…”- წერს ნიკოლაშვილი.