საქართველოს პრეზიდენტი სალომე ზურაბიშვილი ამბობს, რომ ბიძინა ივანიშვილისა და ქართული ოცნების პირობებში საქართველოს საგარეო პოლიტიკა ვერ დალაგდება. ამის შესახებ მან ფორმულასთან ინტერვიუში ისაუბრა.
წამყვანმა პრეზიდენტს ბიძინა ივანიშვილის გუშინდელი ინტერვიუს შეფასება სთხოვა, რაზეც სალომე ზურაბიშვილმა თქვა, რომ ბიძინა ივანიშვილი ცდილობს, ირგვლივ შეკრებილი ადამიანები, რომლებსაც სანქციების ეშინიათ, დააწყნაროს, თუმცა სალომე ზურაბიშვილი აღნიშნავს, რომ “ბიძინა ივანიშვილზე არაფერი არ არის დამოკიდებული’.
“მან [ბიძინა ივანიშვილმა] და ოცნებამ და ოცნების პოლიტიკამ აურია ამ ქვეყანას თავისი დალაგებული საგარეო პოლიტიკა, რომელსაც მიყვებოდა სხვათა შორის ოცნება მთელი პირველი პერიოდი და მერე აურია ამ ქვეყანას და დაგვტოვა იზოლაციაში და ამიტომ, დალაგება სიტყვა არ იარსებებს, იმიტომ რომ ასე არ ლაგდება, დალაგდება, როცა მოვა ახალი მთავრობა, ევროკავშირის წარმომადგენლები ბრიუსელიდან თუ აქ ძალიან ნათლად ამბობენ, რომ ამ მთავრობის პირობებში და ამ მთავრობის რიტორიკის, გადაწყვეტილებების ფონზე, არანაირი დალაგება არ იქნება. როგორ წარმოუდგენია, რომ დალაგდება და რუსული კანონი, ოფშორული კანონი იქნება და დისკრიმინაციული პოლიტიკა იქნება და ამ ყველაფრის ფონზე, დალაგდება? – არა.
თუ ეს არის პერსონალური გარანტია, ფიზიკური, იმიტომ რომ ადამიანი შეშინებულია და ამის გამო არავის უნდა ქვეყანა აირიოს, ეს სხვა საკითხია. დალაგება იქნება საქმე იმ მთავრობის, რომელიც მოვა დიდი უმრავლესობით და რომელიც ნამდვილად დაალაგებს, ამისი პირობა მაქვს მიღებული ევროპელი, ამერიკელი პარტნიორებისგან. ყველა მზადაა, მზადყოფნაშია და ელოდება, რომ საქართველოს მოსახლეობამ გამოხატოს თავისი ნება, რომ დაუბრუნდეს პრო-დასავლურ, პრო-ევროპულ პოლიტიკას. პრო-რუსული პოლიტიკის ფონზე არაფერი არ დალაგდება ამ კუთხით. ეს ერთი რამ არის, რაც ძალიან ნათელია.
მე მგონი, ცდილობს, რომ თავის ირგვლივ ადამიანები, რომლებსაც ეშინია სანქციების, ისინი დააწყნაროს. მე მგონი, ეს დაწყნარებაც ფუჭია, იმიტომ რომ მასზე არაფერი არ არის დამოკიდებული და არის ისეთი პროცესი დაწყებული, რომელიც ასე მარტივად და ერთი სიტყვის გადაგდებით არ მოგვარდება.
მეორე აქცენტი იყო მის გამოსვლაში, როცა გველაპარაკა ვირტუალურ პოლიტიკაზე… მე ტყუილი სიტყვა არ მიყვარს, მაგრამ ვირტუალური წარმოგვიდგინა რაღაც ეკონომიკური ზრდა ამ დროს გველაპარაკებიან სხვებიც დასაქმებაზე, რომ ისეთი სტატისტიკური მონაცემებია, როგორიც არ გვქონია, ეს სტატისტიკური მონაცემები არის იმ ფონზე, როცა ქვეყნიდან გავიდა უამრავი ადამიანი ამ ორი წლის მანძილზე, კიდევ უფრო აჩქარებული ტემპით. “, – თქვა პრეზიდენტმა.
მსგავსი სტატიები:
“ივანიშვილს მინდა ვკითხო-სად არის არნახული დემოკრატია”?
ბადრი ჯაფარიძე – ვთანხმდებით, რომ ბოიკოტი, ზიანს აყენებს ქვეყანას
“გლდანის ციხეში, რომელიც წამების სიმბოლო იყო, დღეს პატიმრებს მოჰყავთ ჟოლო”
“საზიზღარი და ღრმად უპასუხისმგებლო” – იან კელი ღარიბაშვილის განცხადებაზე
„ერთხელ მკითხა ბიძინა ივანიშვილმა, – ლუკა, შენ რამე შეცდომა ხომ არ დაგიშვიაო?.. ბევრი გენიალური ფრაზა მახსოვს მისგან…“
„6 თვის წინ, ჩვენთვის იყო სანატრელი ევროპა, დღეს ჩვენ ევროპას ბევრად უფრო მეტად ვჭირდებით, ვიდრე ჩვენ გვჭირდება“ – გოგა ხაინდრავა
საქართველოს ხელისუფლება უახლოვდება ყველა იმ ქვეყანას, სადაც ავტორიტარული რეჟიმია – გამზარდია
„ქართული ოცნებამ“ ქვეყანას უწყვეტი 12 – წლიანი მშვიდობა და სტაბილურობა, მოუტანა – ირაკლი ღარიბაშვილი