კობახიძე ევროსაბჭოს რეზოლუციაზე: მძიმე ვითარებაა ევროპულ ბიუროკრატიებში

პრემიერმინისტრის, ირაკლი კობახიძის მტკიცებით, ევროსაბჭოს რეზოლუცია “აბსურდულია” და ეს აჩვენებს, რომ “მძიმე ვითარებაა ევროპულ ბიუროკრატიებში”. მან ამის შესახებ პროპაგანდისტულ ტელეკომპანია იმედის ეთერში ისაუბრა.

“ასეთი აბსურდული გადაწყვეტილებები აჩვენებს, რომ მძიმე ვითარებაა ევროპულ ბიუროკრატიებში. საბოლო ჯამში, ეს არსებითად ვერ ცვლის საერთო ვითარებას ჩვენი ქვეყნისთვის. ძალიან მნიშვნელოვანი იყო ის, რაც გამოაცხადა ქალბატონმა თეა წულუკიანმა. რა თქმა უნდა, ეს გადაწყვეტილება იყო აბსოლუტურად უალტერნატივო. ბუნებრივია, ასეთ ვითარებაში ჩვენი დელეგაცია არ აპირებს მუშაობის გაგრძელებას საპარლამენტო ასამბლეაში და მოხდება ამ დელეგაციის გამოწვევა. თუ შეიცვლება დამოკიდებულება ქართველი ხალხის და ჩვენი ქვეყნის მიმართ, ამ შემთხვევაში, რა თქმა უნდა, ჩვენ დავბრუნდებით ევროსაბჭოს საპარლამენტო ასამბლეაში, თუმც ასეთ ვითარებაში, რასაც დღეს ვხედავთ, რა თქმა უნდა, იქ მუშაობს არავითარი აზრი არ აქვს”, – ირწმუნება კობახიძე.

ამასთან, კობახიძე ირწმუნება, რომ საპარლამენტო ასამბლეა არის მეათე ხარისხოვანი ორგანო და მისივე მტკიცებით, საქართველო ევროსაბჭოს წევრ ქვეყანად რჩება, მაგრამ ევროსაბჭოს ასამბლეასთან “მუშაობის აზრს ვერ ხედავს”.

“ეს არის მხოლოდ საპარლამენტო ასამბლეა, რაც არის იმაზე ბევრად მეათე ხარისხოვანი ორგანო, ვიდრე, თუნდაც, ევროპარლამენტი. თქვენ იცით, რომ ევროპარლამენტსაც არ აქვს რაიმე არსებითი დატვირთვა და ევროსაბჭოს საპარლამენტო ასამბლეა არის ევროპარლამენტზე ათჯერ ნაკლები მნიშვნელობის ორგანო. ევროსაბჭოს წევრად, ბუნებრივია, რჩება ჩვენი ქვეყანა და მზად ვართ, ევროსაბჭოსთან თანამშრომლობისთვის ნებისმიერ საკითხზე, მაგრამ ერთადერთი, სადაც მუშაობის აზრს ვერ ვხედავთ არის ევროსაბჭოს ასამბლეა, რომელმაც მიიღო გადაწყვეტილება” , – თქვა კობახიძემ.

***

თეა წულუკიანის ცნობით, საქართველოს პარლამენტის დელეგაციის სტრასბურგსა და თბილისში მყოფმა წევრებმა იმსჯელეს და ქართული ოცნების გუნდის საერთო გადაწყვეტილებით, მიუხედავად იმისა, რომ მათი უფლებამოსილება არის დამტკიცებული, დღეიდან ქართული ოცნება საპარლამენტო ასამბლეაში მუშაობას წყვეტს.

დღეს, 29 იანვარს ევროსაბჭოს საპარლამენტო ასამბლეამ რეზოლუცია მიიღო, რომელიც ახალი საპარლამენტო არჩევნების დანიშვნასა და პოლიტპატიმრების გათავისუფლების პირობას ითვალისწინებს.

ამასთან, რეზოლუციის მიხედვით, გარკვეული შეზღუდვები ქართული ოცნების დელეგაციისთვის არის განსაზღვრული. კერძოდ, პოლიციის სისასტიკისა და ადამიანის უფლებების სხვადასხვა დარღვევების დაგმობის აშკარა ნიშნად, რასაც ქართული ოცნების ხელისუფლების მხრიდან აქამდე რეაქცია არ მოჰყოლია, ასამბლეა იღებს გადაწყვეტილებას, რომ ქართული დელეგაციის წევრებს შეუჩეროს კომიტეტების სრულუფლებიანი წევრობისა ან მოადგილეობის უფლება.

კომიტეტის დასკვნის თანახმად, ევროპის საბჭომ საქართველოს დელეგაცია მხოლოდ იმ შემთხვევაში უნდა აღიაროს, თუ აპრილამდე დაინიშნება ხელახალი საპარლამენტო არჩევნები და გათავისუფლდება ყველა პოლიტპატიმარი.

გააზიარეთ და მოიწონეთ სტატია:

მსგავსი სტატიები:

ქობულეთის სამედიცინო ცენტრში კორონავირუსით ორი პაციენტი გარდაიცვალა “საქართველოს ქურდების და კრიმინალების მთავრობა, ჯილდოების განბაჟებას მთხოვს” “ფიქტიურ ქორწინებას” ჰგავს, „გამარჯვებად“ ვერ გავაფორმებთ – თაკო ჩარკვიანი შარლ მიშელის დოკუმენტზე “არ მოგენატრათ თქვენი ქვეყნით სიამაყით განცდა?” – მიხეილ სააკაშვილის მიმართვა ხალხს, სასამართლო დარბაზიდან “შეიკავეთ ემოციები და აიმაღლეთ საბრძოლო განწყობა გამარჯვებამდე” – ზელენსკის მიმართვა მოსახლეობას მარგარიტა სიმონიანი შეშლილობის ზღვარზეა – დუგინის შვილის აფეთქების შემდეგ, დაცვა დაიქირავა ჯამლეტ ხუხაშვილი გარდაიცვალა ომის დაწყების შემდეგ, დრონებმა პირველად შეუტიეს ჩრდილოეთ ოსეთს