ევროპის საბჭოს საპარლამენტო ასამბლეაზე სიტყვით გამოსვლის დროს უკრაინელმა ევროდეპუტატმა, ალექსეი გონჩარენკომ 1989 წლის 9 აპრილს განვითარებული მოვლენები გაიხსენა და 2025 წლის 9 აპრილთან პარალელი გაავლო.
ევროპარლამენტარმა განაცხადა, რომ 36 წლის შემდეგაც, მოსკოვი ქართველებს თავს კვლავ ესხმის, ოღონდ ამჯერად ბიძინა ივანიშვილისა და ირაკლი კობახიძის ხელით.
გაზაფხული, 1989 წლის აპრილი, ხეები ყვავის ულამაზეს თბილისში. შოთა რუსთაველის გამზირზე ქართველები დგანან პარლამენტის წინ საქართველოს დროშებით. იბრძვიან დემოკრატიისთვის და თავისუფლებისთვის. 89 წლის აპრილში ღამის 4 საათზე მოსკოვმა გასცა ბრძანება, რომ თავს დასხმოდა ამ ადამიანებს. რუსი ჯარისკაცები სამხედრო ნიჩბებით ხელში თავს დაესხნენ მოქალაქეებს. მათ მოკლეს 20 ადამიანი, უმეტესად ქალები ნიჩბებით.
ახლა რა ხდება. ისევ აპრილია, 2025 წლის. ქართველები ისევ დგანან ქუჩებში, პარლამენტთან და მათ ისევ უნდათ დემოკრატია და თავისუფალი საქართველო. მოსკოვი ისევ ესხმით თავს. ამჯერად, არა რუსი ჯარისკაცების ხელით, არამედ, მოსკოვის მარიონეტების ხელით. ივანიშვილის, კობახიძის და სხვების ხელით. ჩვენ აქ ვართ იმისთვის, რომ მხარი დავუჭიროთ ქართველ ხალხს.” – ალექსეი გონჩარენკო.
ევროსაბჭოს საპარლამენტო ასამბლეის სხდომა გაიხსნა – ამ წუთებში სტრასბურგში ევროდეპუტატები საქართველოში განვითარებული მოვლენების შესახებ საუბრობენ.
ევროსაბჭოს საპარლამენტო ასამბლეის სხდომაზე მოხსენების შემდეგ დებატები გაიმართება, რომლის ფარგლებშიც ევროპარლამენტარები საქართველოში განვითარებული მოვლენების შესახებ ისაუბრებენ. საყურადღებოა, რომ ევროპარლამენტარები PACE-ში “ქართული ოცნების” დელეგაციის უფლებამოსილების შეჩერების საკითხსაც განიხილავენ.
დებატების შემდეგ კი ევროდეპუტატები კენჭს უყრიან რეზოლუციას, რომელიც 29 იანვარს გამოქვეყნებული დოკუმენტის სულისკვეთებას გაიზიარებს და მასში გაწერილი მოთხოვნები უცვლელი დარჩება.
მსგავსი სტატიები:
“არ არსებობს არანაირი საფუძველი იმისთვის, რომ ოპოზიციამ უარი განაცხადოს საპარლამენტო მუშაობაზე“
“აბდალა”– კუბას მტკიცებით, მისი ვაქცინა COVID 19-ის წინააღმდეგ 92,28 %-ით ეფექტიანია
კორონავირუსის 13 სექტემბრის სტატისტიკა
რაფაელ ნადალი ავსტრალიის ღია პირველობის გამარჯვებულია
მაქვს განცდა, რომ ევროკავშირის წევრობას არ ვიმსახურებთ – სანდრო კაკულია
”ოზურგეთის მერია, ამას ეძახით სამუშაოს შესრულებას?დახმარების ნაცვლად, ხალხი უარესი საფრთხის წინაშე დააყენეთ” – თათია ნიკოლაშვილი
1905 წლის გურიის აჯანყების ეროვნულ გამათავისუფლებელი ნიშნები
რევიშვილი:”მაინც ვერ გაგვაჩუმებთ!” მოძრაობა “თავისუფლებისათვის” ისევ დააჯარიმეს