“დღეს ჩავიბარე ბრძანება, თანამდებობიდან და სამხედრო სამსახურიდან გათავისუფლების შესახებ” – განცხადებას ამის შესახებ ციალა ქათამიძე ავრცელებს.
თავდაცვის ძალების ეროვნული გვარდიის თავდაცვის ბატალიონის ყოფილი რეზერვისტის თქმით, წამოსვლის მიზეზი ქვეყანაში მიმდნარე პროცესებია:
“ქართულმა ოცნებამ” ამიკრძალა მქონდეს პატივი, საჭიროების შემთხვევაში, იარაღით ხელში, ვემსახურო საკუთარ ქვეყანას! – წერს ის.
”2022 წლის 14 სექტემბრიდან ვარ საქართველოს თავდაცვის ძალების ეროვნული გვარდიის თავდაცვის ბატალიონის რეზერვისტი… ვარ, აღარ… უფრო სწორად, 8 აპრილამდე ვიყავი.
დღეს ჩავიბარე ბრძანება, თანამდებობიდან და სამხედო სამსახურიდან გათავისუფლების შესახებ. ანუ, მარტივად რომ ვთქვა, დღეს მე, საქართველოს მოქალაქეს, რეზერვისტს, რომლის ერთ-ერთი მთავარი მოვალეობაც, საგანგებო ან საომარი მდგომარეობის დროს, არის საქართველოს ტერიტორიული მთლიანობის ფიზიკურად დაცვა, “ქართულმა ოცნებამ” ამიკრძალა მქონდეს პატივი, საჭიროების შემთხვევაში, იარაღით ხელში, ვემსახურო საკუთარ ქვეყანას! ამაზე დიდი შეურაცხყოფა, 38 წლის ვარ და ჩემთვის არასდროს არავის მოუყენებია!
ირგვლივ გამეფებული უკანონობისა და უსამართლობის, ათეულობით სინდისის პატიმრის, ასეულობით სასტიკად ნაცემი ადამიანის, ასეულობით გათავისუფლებული და ათასობით დაშინებული საჯარო მოხელის ფონზე, მსგავსი უკანონო, უსამართლო თუ დისკრიმინაციული ფაქტები, ჩემს ცხოვრებაში, ალბათ ბევრი იქნება, ვიცი, მაგრამ არ მეშინია! არ მეშინია, რადგან ზუსტად ვიცი, ზუსტად ვიცი, რომ ჩემი პროფესიული საქმიანობის მთავარი მიზანი, როგორც სამოქალაქო, ასევე სამხედრო ცხოვრებაში იყო, არის და იქნება ერთი, ვემსახურო საქართველოს. თამამად, ამაყად, გულწრფელად, ყველა ეროვნული გმირის წინაშე, ღვთისა და ერის წინაშე, შემიძლია ვთქვა, რომ ვემსახურები საქართველოს!ბოლო ფოტო დღეს გადავიღე, ფოტოზე საქართველოს ეროვნული გმირების სტენდია ასახული, რომელსაც ყველა შეკრებისას აღტაცება-აღფრთოვანებით შევცქეროდი ხოლმე, მათი ისტორიები, მათი სიმამაცე, მათი თავგანწირვა მაძლევს ზუსტად იმ ძალას და სითამამეს, ის ვთქვა, რაც ვთქვი, დიახ, ვემსახურები საქართველოს! “- წერს ქათამაძე.
მსგავსი სტატიები:
“გახდი სხვების შეფასებისგან დამოუკიდებელი”
ზურა დოიჯაშვილი საქართველოში ჩამოასვენეს
“ამ ხელისუფლებისთვის ორივე შემთხვევაში ვიქნები სერიოზული საფრთხე”
“ახლა უფრო მეტი გვაქვს ინფიცირება, ვიდრე ეს იყო მესამე ტალღის პიკზე”
მეფე-დედოფალი FreeSaakashvili-ს ბანერის გამო 2000 ლარით დააჯარიმეს
”ვწუხვარ ყოფილ პრეზიდენტზე, როგორც უსამართლობის კრებით სახეზე”
სახალხო დამცველის საგანგებო განცხადება ფარულ მიყურადებაზე
“რაც პარლამენტში მოხდა, რა მიზეზითაც არ უნდა იყოს გამოწვეული, სხვა არაფერია თუ არა პოლიტიკური კორუფციის მკაფიო მაგალითი”