“მთავარი არხის” გენერალური დირექტორი და დამფუძნებელი ნიკა გვარამია პარლამენტში, ოპოზიციის წევრების ჩართულობით, იუსტიციის უმაღლესი საბჭოს 3 არამოსამართლე წევრის არჩევას ეხმაურება:
რაც პარლამენტში მოხდა, ზუსტად იმ მორალური კომპრომისების კლიმატის შედეგი და გაგრძელებაა, რისი ნიშნებიც, სამწუხაროდ, პროდასავლურ ფლანგზე სულ უფრო ხშირად შეიმჩნევა. რა მიზეზითაც არ უნდა იყოს გამოწვეული ეს ქმედება, სხვა არაფერია თუ არა პოლიტიკური კორუფციის მკაფიო მაგალითი. (ვინც არ იცის, რომ კორუფცია მარტო ქრთამის აღება არ არის, გაერკვეს).
ზუსტად ასევეა პოლიტიკური კორუფცია ე.წ. “ოცნებასთან დალაგების” თუ “ცალკეული საკითხების მოგვარების” პოლიტიკა, რაც არ უნდა იყოს ეს საკითხები და რაც არ უნდა იყოს სანაცვლოდ დათმობები.
“დამლაგებლების” და “მომგვარებლების” საშუალო ამოცანა არასდროსაა დემოკრატია, დასავლეთი და ხალხის ინტერესი. ისინი ხელს უწყობენ სტატუს-კვოს შენარჩუნებას, უბრალოდ, იბრძვიან ამ სტატუს-კვოში საკუთარი ადგილის, გავლენისა და უსაფრთხოების მოპოვებისა და დამკვიდრებისთვის.
“დამლაგებლების” და “მომგვარებლების” მეშვეობით დემოკრატიული პროცესები არ წარიმართება, დემოკრატიული აქტორები არ მოქმედებენ. მათი მეშვეობით ინტერესთა ჯგუფები ოპერირებენ და არა პარტიები. და იმაზე მარტივი ივანიშვილისთვის არაფერია, ვიდრე ინტერესთა ჯგუფებთან დალაგება და პრობლემის განეიტრალებაა. თვითონაც მოიგებს, ინტერესთა ჯგუფიც, ჩვენ პროდასავლელი ქართველები დავრჩებით ხახამშრალი, – წერს ნიკა გვარამია.
მსგავსი სტატიები:
ბავშვი, რომელიც ეხება მუსიკას, ბეთჰოვენის ჰანგებს, არ შეიძლება იყოს ცუდი ადამიანი- ბოლქვაძე
“გახარია “ქართული ოცნების” ხმებზე დაჯდება”
რეანიმატოლოგის ინფორმაციით, სააკაშვილი რეანიმაციულ განყოფილებაშია გადაყვანილი
“არც ერთი შიში არ ამართლებს იმ საშიშროებასთან შეგუებას, რაც შეიძლება მოხდეს”-ფანჯიკიძე სააკაშვილის ჰოსპიტალიზაციაზე
“ნაცმოძრაობამ” და გახარიას პარტიამ ხელი მოაწერეს და ამბობენ, არ ვართ ცოლ-ქმარიო”
ოკუპანტებმა ლუგანსკის რეგიონში, ბავშვთა საავადმყოფო დაბომბეს
NGO-ები: საქართველოს მთავრობამ დასავლეთის მხარდამჭერი მკაფიო პოზიცია უნდა დაიკავოს
გამოიყენებს თუ არა პუტინი ბირთვულ იარაღს – კრემლი ღია შანტაჟსა და ტერორზე გადადის