უკრაინის საგარეო საქმეთა მინისტრი პუტინის “სააღდგომო ზავთან” დაკავშირებით განცხადებას ავრცელებს. ანდრეი სიბიგა აღნიშნავს, რომ უკრაინა ჯერ კიდევ 39 დღის წინ დათანხმდა აშშ-ის წინადადებას, 30 დღით სრული ცეცხლის შეწყვეტის შესახებ, რასაც რუსეთმა უარით უპასუხა და თავდასხმები უფრო გააძლიერა. სიბიგას თქმით, პუტინის დღევანდელ განცხადება ნდობას არ იწვევს, რადგან ქმედებები საპირისპიროს ამტკიცებს. უკრაინის საგარეო უწყების ხელმძღვანელი პარტნიორებს მოუწოდებს, იყვნენ ფხიზლად:
“უკრაინის პოზიცია კვლავ ნათელი და თანმიმდევრულია: 11 მარტს, ჯიდაში, ჩვენ უპირობოდ დავეთანხმეთ აშშ-ს წინადადებას 30-დღიანი სრული დროებითი ცეცხლის შეწყვეტის შესახებ.
რუსეთმა უარი თქვა და რუსეთის უარი შეერთებული შტატებისთვის უკვე 39 დღეა გრძელდება. ამის ნაცვლად, მოსკოვის რეჟიმმა სხვადასხვა პირობები დააწესა და გაზარდა ტერორი უკრაინის, მშვიდობიანი მოსახლეობისა და სამოქალაქო ინფრასტრუქტურის წინააღმდეგ მთელი ქვეყნის მასშტაბით.
პუტინმა ახლა გააკეთა განცხადებები ცეცხლის შეწყვეტისთვის მისი სავარაუდო მზადყოფნის შესახებ. 30 დღის ნაცვლად 30 საათი. სამწუხაროდ, ჩვენ დიდი ხანია ვიცით მისი განცხადებების ისტორია, რომლებიც არ შეესაბამება მის ქმედებებს. ჩვენ ვიცით, რომ მის სიტყვებს არ უნდა ვენდოთ და ჩვენ განვიხილავთ ქმედებებს და არა სიტყვებს.
რუსეთს შეუძლია ნებისმიერ დროს დაეთანხმოს 30-დღიანი სრული და უპირობო ცეცხლის შეწყვეტის წინადადებას, რომელიც მარტიდან არის განხილული.
ჩვენ გვსურს, რომ რუსულმა ძალებმა რეალურად შეწყვიტონ ცეცხლი ყველა მიმართულებით. ჩვენ ასევე მოვუწოდებთ ყველა ჩვენს პარტნიორს და საერთაშორისო საზოგადოებას, იყვნენ ფხიზლად. მხოლოდ ქმედებები და არა სიტყვები ავლენს სიმართლეს: ეს ომი დაიწყო და გრძელდება მხოლოდ რუსეთის გამო.” წერს უკრაინის საგარეო საქმეთა მინისტრი.
შეგახსენებთ, რუსული მედიის ცნობით, დღეს, მოსკოვის დროით 18 საათიდან 21 აპრილის 00:00 საათამდე პუტინმა “სააღდგომო ზავი” აამოქმედა, თუმცა პუტინის ამ ბრძანებიდან მალევე, უკრაინაში საჰაერო განგაში გამოცხადდა.
მსგავსი სტატიები:
დაპირისპირება ბესო ქათამაძესა და ვასილ ჩიგოგიძეს შორის
რა კრიტერიუმებს უნდა აკმაყოფილებდეთ ისრაელში დასაქმებისთვის და როგორია სამუშაო პირობები
“სხვა კი არა, შენი თავი შეიცოდე ადამიანო”!!!
შეეზღუდება თუ არა მედიას ინფორმაციის წყაროს დასახელების გარეშე გავრცელება – ნიკა გვარამიას კითხვა და “ოცნების” პასუხი
ივანიშვილის რუსული გზა | რას განიხილავდა ოლიგარქი ევტუშენკოვთან და რას ნიშნავდა საუბარში სიტყვა “მარცვლეული”
კილომეტრიან საცობში ქალმა იმშობიარა, გოგონა გაჩნდა – ლარსგამოვლილი რუსი მოქალაქეების ისტორიები
ყველამ ყველაფერი იცოდა, ყველა დუმდა – პირველი ინტერვიუ ქალთან, რომლის გადასარჩენადაც შვილს მამა შემოაკვდა
თუ უკრაინას რუსეთის ტერიტორიაზე დარტყმის უფლება მიეცემა, საპასუხო რეაქცია იქნება – პესკოვი