გავრცელებული ოინფორმაციით, “ქართული ოცნებიდან” ოზურგეთის მერობის კანდიდატი, შემოდგომისათვის დანიშნულ ადგილობრივ არჩევნებში, წარმოშობით ოზურგეთელი და ამჟამად თბილისში მცხოვრები, პაატა კუნჭულია იქნება.
თავის დროზე კუნჭულია, ავთანდილ თალაკვაძის მოადგილედ მოიაზრებოდა, თუმცა ფღემდე გაურკვეველი მიზეზით, მისი დანიშვნა ამ პოსტზე არ მოხდა.
პაატა კუნჭულია, ვოვა კუნჭულიას შვილია, რომელიც თავის მხრივ ოზურგეთის გამგებელი გასული საუკუნის 90 იანი წლების პირველ ნახევარში, შევარდნაძის ხელისუფლების პერიოდში იყო.
ასევე გავრცელებული ინფორმაციით, გამარჯვების შემთხვევაში, “ქართული ოცნება” ოზურგეთის საკრებულოს თავმჯდომარის ცვლილებასაც გეგმავს. დავით დარჩია მესამე სართულზე აინაცვლებს და გუერიის გუბერნატორის მოადგილე გახდება.
საკრებულოს თავმჯდომარედ კი, მმართველ პარტიაში, გურიის გუბერნატორის მომქმედი მოადგილე, ლაშა ჭელიძე მოიაზრება.
პაატა კუნჭულია არის თბილისის ივანე ჯავახიშვილის სახელობის სახელმწიფო უნივერსიტეტის ბიზნესის ადმინისტრირების დოქტორი. აკადემიური ხარისხის მიღების მიზნით (დოქტორანტურა) ERASMUS MUNDUS პროგრამის ფარგლებში „გარეთანამშრომლობის ფანჯარა“ (EM ECW) ერთი წლის განმავლობაში იმყოფებოდა საბერძნეთში, იყო ERASMUS MUNDUS პროგრამის სტიპენდიატი.
მისი მრავალმხრივი სამუშაო გამოცდილება უკავშირდება ფინანსურ, ბიზნესისა და საგანმანათლებლო სფეროს. მას აქვს მრავალწლიანი პედაგოგიური მოღვაწეობის გამოცდილება, იგი სხვადასხვა დროს იკავებდა საცალო პროდუქტების მართვის განყოფილების უფროსის, ფილიალის მმართველის, არასაკრედიტო გაყიდვების დეპარტამენტის კოორდინატორის, მიკროსაფინანსო ორგანიზაცია „ინვესტ ჯორჯია“-ს დირექტორის თანამდებობას.
2019 წლიდან პაატა კუნჭულია არის განათლების ხარისხის განვითარების ეროვნული ცენტრის უმაღლესი საგანმანათლებლო დაწესებულებების პროგრამების აკრედიტაციის ექსპერტი. 2019 წლიდან არის ბიზნესის რეაბილიტაციისა და გადახდისუუნარობის ასოციაციის (BRIPA) წევრი. 2022 წლიდან იგი საქართველოს მეცნიერთა საბჭოს წევრია. 2022-2023 წლებში იყო „საქართველოს დავით აღმაშენებლის სახელობის უნივერსიტის“ – ბიზნესისა და სოციალურ მეცნიერებათა ფაკულტეტის დეკანი.
ის გახლავთ ბუქარესტის ათენაუმის უნივერსიტეტის კვარტალური ჟურნალის – „შიდა აუდიტისა და რისკების მართვა“ – მრჩეველთა საბჭოს წევრი, ასევე, „საექსპერტო შეფასების კომიტეტისა და საბიუჯეტო კვლევის კონტროლის“ სარედაქციო საბჭოს წევრი. მისი სამეცნიერო პუბლიკაციები ეხება ეკონომიკურ-ფინანსური კრიზისების გამომწვევ ფაქტორებს, საბანკო სისტემის განვითარებას, ფინანსურ ბაზრებს.
მას ასევე აქვს სამუშაო გამოცდილება მიღებული დიდ ბრიტანეთში, კერძოდ ლონდონში სადაც იკავებდა მარკეტინგული ჯგუფ „ალკონ“-ში ასისტენტის პოზიციას ზოგადი ადმინისტრირებისა და საბაზისო ბუღალტერიის დარგში
- ბიზნესის ადმინისტრირების დოქტორი, უმაღლესი კვალიფიკაციის საქონელმცოდნე ექსპერტი, 2011 წლიდან შპს „მაკრო ჯგუფის“
- გადახდისუუნარობის საქმის წარმოების მართვა-გაკოტრების მმართველი; შპს „ოჯთ“ დაგახდისუუნარობის საქმის წარმოება“ მომრიგებელთა საბჭოს წევრი;
- ბიზნესის რეაბილიტაციისა და გადახდისუუნარობის პრაქტიკოსთა ასოციაციის (BRIPA) წევრი;
- განათლების ხარისხის განვითარების ეროვნული ცენტრის უმაღლესი საგანმანათლებლო დაწესებულებების პროგრამების აკრედიტაციის ექსპერტი;
- 2014 წელს მიენიჭა ბიზნესის ადმინისტრირების დოქტორის სტატუსი.
მსგავსი სტატიები:
დავით დარჩია: “ხელისუფლების ჩამოგდებაზე ვსაუბრობთ რევოლუციის ვერსიას განვიხილავთ“
დავით დარჩიამ პოლონეთის დაძმობილებული ქალაქის მერს ბიუჯეტიდან ნაყიდი 54 ლარის ტყლაპი ჩაუტანა
პოლიციის უარი დავით დარჩიას – რატომ თქვა უარი ოზურგეთის პოლიციამ დეპუტატის დაპატიმრებაზე
ექსკლუზივი-რატომ სცემეს ერთმანეთი ოზურგეთის მერმა და გურიის სამაშველო სამსახურის უფროსმა
ოპოზიცია ოზურგეთის მერს წინასაარჩევნო დაპირებების შეუსრულებლობაში ამხელს
დარჩია თუ ღურჯუმელიძე – ვინ “ჩაიბარებს” მმართველ პარტიას ოზურგეთში
რატომ არ შენდება მერიის აეროპორტი? -“გურიის მოამბე” ვასილ ჩიგოგიძის წინასაარჩევნო დაპირებების მონიტორინგს იწყებს
დავით დარჩია რქოსან პირუტყვებს შემოწყრა “ტკვირავენ და ტკვირავენ ემენიუსებს ეს ოჯახქორები”
