რომან გოცირიძე-ქურდობა ლაპარაკის ნაცვლად! აი, რა ყოფილა “ქართული ოცნების” ნამდვილი საარჩევნო პროგრამა

თემურ ჭყონია ქართული წარმატებული ბიზნესის სიმბოლოა. “მაკდონალდსი” და “კოკა კოლა” პირველი ბრენდული უცხოური ინვესტიცია იყო ქვეყანაში.

საქართველოში “მაკდონალდსის” 25 რესტორანია. 2024 წელს მისი წმინდა მოგება იყო 32 მილიონი ლარი. ღარიბაშვილის სახლიდან ამოღებული მხოლოდ ნაღდი 6,5 მილიონი დოლარი არის 18 მილიონი ლარი. ანუ თემურ ჭყონიას ამ კომპანიამ ნახევარ წელიწადზე მეტი უნდა იმუშაოს, რომ იმდენი ფული იშოვოს, რაც ჩანთებში ჩატენილი დოლარების სახით მხოლოდ ერთ პირს აღმოუჩინეს. გაგიჟდებოდა კაცი, აბა რა იქნებოდა.

რამდენი ასეთი დოლარებია გადამალული სარდაფებში, კრიპიტოვალუტებში, უცხოურ სახლებში, აქაურ აქტივებში, რამდენი ასეული კი არა ათასი ადამიანი უმოწყალოდ ძარცვავს ქვეყნის სიმდიდრეს, გაღატაკებული ხალხი კი გარბის ქვეყნიდან ოჯახების გადასარჩენად?!

ახლა მოჩვენებითი “ანტიკორუფციული კამპანია” გააჩაღეს, რომელიც სხვა არაფერია, თუ არა შიდაკლანური ომი და ივანიშვილის პირადი შურისძიება. უნდათ შიდა წმენდა და სიმდიდრის გადანაწილება სამართლიანობისთვის ბრძოლად გაასაღონ. არაფერი გამოუვათ. თავად შეუწყვეს ხელი, რომ ხალხს დაენახა, თუ რა ანტიეროვნულ რეჟიმთან გვაქვს საქმე.

ბატონ თემურს კი, რომელსაც ჯერ კიდევ საბჭოთა პერიოდიდან ვიცნობ და რომელთანაც ერთად დავაფუძნეთ მაშინდელ კინოს სახლში, “პერესტროიკის” დროს, ბიზნესის ხელშემწყობი ორგანიზაცია( ბესო ჯუღელი იყო თავმჯდომარე), მინდა მივმართო: ჩემო თემურ, მოსაპარი კიდევ ბევრია და ყოველდღიურად იპარავენ კიდევაც, ოღონდ ახლა ჩანაცვლება ხდება, ერთი ჯგუფი გაძღება, შემდეგ სხვების რიგი მოდის.

არავის შერჩება.

თემურ ჭყონიასაგან განსხვავებით, კი მოაქუჩეს ამათ უკანონოდ დიდი სიმდიდრე, მაგრამ მშვიდი ძილი ნამდვილად ენატრებათ, იმ მულტფილმისა არ იყოს, ხარბი მეფე მშიდ ძილში რომ გაცვლიდა თავის ოქრო-ვერცხლს