მომავალში ამბებს საარჩევნო უბნებიდან უხმო კადრებით მოგიყვებით. დარღვევებს გადავიღებთ, მაყურებელი კი მხოლოდ უხმო კადრებს ნახავს, ხმაურის შემთხვევაში მას გაჩვენებთ, მაგრამ ხმის გარეშე; პირდაპირ ეთერში უბნიდან ვერ ვიმუშავებთ; “ქართული ოცნება” საარჩევნო უბანზე ხმის ჩაწერას სრულად კრძალავს.
“ოცნება” ამბობს, რომ სრულფასოვანი გადაღებით, ანუ კადრით და ხმით პერსონალური ინფორმაციის გამჟღავნების რისკი დგება, თუმცა ჩნდება კითხვა: ზრუნავს უფლებების დაცვაზე თუ ზრუნავს გაყალბების დამალვაზე. ახალი კანონპროექტი 2024 წლის არჩევნებზე რომ ძალაში ყოფილიყო, დამკვირვებლები ასეთ მტკიცებულებებს ვერ მოაგროვებდნენ.
დამკვირვებლები ვერც ე.წ. კარუსელის გამოვლენას შეძლებენ, რადგან ერთი და იგივე პასპორტის აღმოსაჩენად, პირისთვის პასპორტის მოთხოვნა სჭირდებათ. ეს კი იკრძალება. იზღუდება გადასაღები სივრცეც და საბოლოოდ, სრულფასოვანი მონიტორინგი შეუძლებელი ხდება.
ეს მხოლოდ რეგულაციების ერთი ნაწილია. მონიტორინგის და გაშუქების შეზღუდვასთან ერთად, იცვლება საარჩევნო კომისიის დაკომპლექტების წესით. ახალი რეგულაციით, თუ პირი სისხლის სამართლით დაჯარიმებულია, ის კომისიის წევრი ვერ იქნება. მათ შორის კი შესაძლოა იყვნენ პროტესტში ჩართული ადამიანები, ვისაც ხელისუფლებამ გზის ხელმეორედ გადაკეტვა ან პირბადის ხელმეორედ გამოყენება სისხლის სამართლის დანაშაულად ჩაუთვალა.
ამ ახალ კანონპროექტში ყველაზე რეპრესიულად ემიგრანტებთან დაკავშირებულ ცვლილებებს განიხილავენ. ემიგრანტებისთვის ქვეყნის გარეთ ხმის მიცემა იკრძალება. “ქართულ ოცნების” მტკიცებით, საქართველოს მოქალაქეები საზღვრებს მიღმა მოვლენებს სწორად ვერ აფასებენ და არჩევანის გაკეთებაც არ შეუძლიათ.
მსგავსი სტატიები:
ყოვლად მიუღებელია, მოსახლეობას არ სჭირდება რევოლუციები – თურნავა ოპოზიციაზე
მიხეილ სააკაშვილი საავადმყოფოში შესაძლოა ვერტმფრენით გადაიყვანონ
ლადო კახაძის TOP 10 “სადღეგრძელო” – რაც/ვინც დეპუტატმა 2021 წელს ადღეგრძელა
ოზურგეთში უკრაინის მხარდასაჭერი აქცია გაიმართა
“ჩვენი ტაქტიკის წყალობით დავრბუნდებით” – ზელენსკი ლისიჩანსკის დატოვებაზე
”გარდაიცვალა ახალგაზრდა გოგონა, რომელიც მილიარდერ ბიძას – ივანიშვილს სიცოცხლის გახანგრძლივებას სთხოვდა”
რუსებმა ავდიივკა დაბომბეს – არის მსხვერპლი
“ევროკავშირმა უნდა მიბაძოს [“ქართული კოშმარის არაღიარების აქტს”] და არ აღიაროს საქართველოს არც ერთი მთავრობა, რომელსაც ხელმძღვანელობს ბიძინა ივანიშვილი” – კოლსი
