აბსოლუტურად შეუთავსებელია დემოკრატიული საზოგადოებისთვის – ევროკომისიის პრესსპიკერი ტროტუარებზე პროტესტის გამო დაპატიმრებებზე

„სამწუხაროდ, ეს არ არის ცალკეული შემთხვევა და ნამდვილად არის „ქართული ოცნების“ სისტემატური და მუდმივი ძალისხმევის ნაწილი, გააჩუმოს განსხვავებული ხმები საქართველოში და დააშინოს მშვიდობიანი მომიტინგეები“, – განაცხადა მან 23 იანვარს, „ევროსკოპის“ კითხვაზე პასუხად.

„ჩვენ მკაფიოდ გამოვხატეთ ჩვენი პოზიცია, რომ ეს ქმედებები ძირს უთხრის გამოხატვისა და შეკრების თავისუფლებას, კანონის უზენაესობას და აბსოლუტურად შეუთავსებელია ნებისმიერი დემოკრატიული საზოგადოებისთვის“, – განაცხადა მან.

თბილისის საქალაქო სასამართლომ ბოლო ორ დღეში არაერთ დემონსტრანტი გაუშვა ადმინისტრაციულ პატიმრობაში:

• ნურკი კაკულია – 4-დღიანი პატიმრობა;
• სანდრო მეგრელიშვილი – 4-დღიანი პატიმრობა;
• დიმიტრი ჯამბურია – 4-დღიანი პატიმრობა;
• ზაქარია (ლუკა) ნაგლიაშვილი – 5-დღიანი პატიმრობა
• მიშა ზაქარეიშვილი – 5-დღიანი პატიმრობა;
• დემონსტრანტი ანი ახმეტელი, ნათია ჭავჭანიძე და რეზი დუმბაძე სამართალდამრღვევებად ცნეს, თუმცა მხოლოდ სიტყვიერი შენიშვნები გამოუცხადეს.