საქართველოს მე-4 პრეზიდენტი გიორგი მარგველაშვილი ყოფილი პრემიერმინისტრის გიორგი გახარიას პოლიტიკაში დაბრუნების საკითხს ეხმაურება და აღნიშნავს, რომ მთავრობის ექსმეთაური “ქართული ოცნება 2”-ს შექმნის.
“პარასკევს თუ ხუთშაბათს საღამოს ვთქვი, რომ კარგი იქნებოდა, რომ საქართველოში ძლიერი, ალტერნატიული, პოლიტიკური ძალა გაჩენილიყო. არც აციეს, არც აცხელეს და შვებულებიდან ორშაბათს გამოიყვანეს გახარია იმისთვის, რომ შეასრულოს ეს თითქოს მისია, რომ შექმნას ქართული ოცნება 2. რა შემიძლია ვთქვა, მადლობა ქართულ ოცნებას ასე ყურადღებით რომ მისმენს და ასრულებს დავალებებს, რომლებსაც აქედან გავცემთ”, – განაცხადა გიორგი მარგველაშვილმა.
ცნობისთვის, ყოფილმა პრემიერმინისტრმა გიორგი გახარიამ თანამდებობიდან წასვლის შემდეგ დღეს მედიასთან პირველი კომენტარი გააკეთა. მან აღნიშნა, რომ სხვადასხვა ჭორის მიუხედავად ის წასვლას არსად აპირებს, პოლიტიკაში რჩება და ყველა არსებულ კითხვას პასუხი გაეცემა.
შეგახსენებთ, რომ გიორგი გახარაიამ პრემიერმინისტრის თანამდებობა 18 თებერვალს დატოვა. მიზეზად მან ნიკა მელიას დაკავების ღონისძიებასთან დაკავშირებით ქართული ოცნების გუნდში აზრთა სხვადასხვაობა დაასახელა.
მსგავსი სტატიები:
ბადრი ჯაფარიძე: “თუ ვთანხმდებით, ვთანხმდებით ყველა საკითხზე”
საქართველოში საშუალო ხელფასმა 2020 წლის IV კვარტალში 1 314 ლარი შეადგინა
“პუტინის ნამესნიკი თავიდანვე განწყობილი იყო ცალსახად ჩაეშალა მოლაპარაკებები კრემლის ბრძანებით”
რიონის ხეობის მცველების ულტიმატუმის ამოწურვამდე 3 საათი რჩება
“ამდენი საქმე გვაქვს და ვის სცალია” ნაციონალების კიწიკოწისთვის”
“ჯორჯიან თაიმსის” გენერალურ დირექტორს “რიონის მცველების” აქციაზე ფიზიკურად გაუსწორდნენ
“შესაძლებელია, 2024 წლის შემდეგ, კოალიციური მთავრობის ჩამოყალიბება გახდეს საჭირო”
როდის იწყება Pfizer-ის მეორე დოზებზე რეგისტრაცია?