ჩვენ (ლანჩხუთი) გურია არ ვართ???

არადა, როგორ ელოდებოდა ლანჩხუთელი მოსახლეობა ლანჩხუთის- ბახმაროს უმოკლესი გზის რეაბილიტაციას, სოფელ აკეთის მიმართულებით, ამ საქმეს რომ ლანჩხუთის ბიუჯეტი ვერ გააკეთებს ესეც ცხადია, ბოლო ინფორმაციით, რაც მოსახლეობას ადგილობრივმა ხელისუფლებამ მიაწოდა, ლანჩხუთი- ბახმაროს საავტომობილო გზისრეაბილიტაციაზე აღნიშნული მიმართულებით საავტომობილო გზების დეპარტამენტი იზრუნებდადა იგი მალე დაიწყებდა. ერთი თემი მასში შემავალი ოთხი სოფლით იკარგება, ხომ არ სჯობს იგი ოზურგეთის ტერიტორიად მოიაზრებოდეს? არა! ლანჩხუთი მართლაც აღარაა გურიაში და არც საქართველოში!
,,მსოფლიო ბანკის დაფინანსებით, გურიის რეგიონში საავტომობილო გზების რეაბილიტაცია იწყება. საავტომობილო გზების დეპარტამენტის ცნობით, გზის რეაბილიტაციის პროექტზე ხელშეკრულება გაფორმდა.
მათი ინფორმაციით, ხელშეკრულებაზე ხელი საქართველოს საავტომობილო გზების დეპარტამენტის თავმჯდომარის მოადგილემ სალომე წურწუმიამ და საერთაშორისო ტენდერში გამარჯვებული კომპანიის „China Road and Bridge Corporation”-ის წარმომადგენელმა Wang Fuhua-მ მოაწერეს.
როგორც საავტომობილო გზების დეპარტამენტში განმარტავენ, პროექტი 7 ლოტად განხორციელდება.
„რეაბილიტაცია ჩაუტარდება შემდეგ საგზაო მონაკვეთებს: ჩოხატაური-ბახმაროს გზის 24.5 კმ-იან მონაკვეთს, ჩოხატაური-ზომლეთის გზის 10.3 კმ-იან მონაკვეთს, ოზურგეთი-ნატანები-ურეკის გზის 2.8 კმ-იან მონაკვეთს და საჯავახო-ჩოხატაური-ოზურგეთი-ქობულეთის გზის 25.6 კმ-იან მონაკვეთს.
პროექტის ფარგლებში, აღნიშნულ საგზაო მონაკვეთებზე დაგეგმილია: გზის საფუძვლის განახლება და გაუმჯობესება, ახალი ხელოვნური ნაგებობების (წყალგამტარი მილები, საყრდენი კედლები და სხვა) მოწყობა, ახალი ასფალტ-ბეტონის საფარის მოწყობა, მოძრაობის უსაფრთხოების გაუმჯობესება, საგზაო ნიშნების მოწყობა და გზის სავალი ნაწილის მონიშვნა და შემოფარგვლა.
აღნიშნული სამუშაოები, სრულად მოაწესრიგებს სარეაბილიტაციო მონაკვეთებზე საგზაო ინფრასტრუქტურას, რაც უსაფრთხო და კომფორტულ გადაადგილებას უზრუნველყოფს. შემცირდება მგზავრობის დრო და ხარჯები.
სამუშაოები ეტაპობრივად, 18 თვის განმავლობაში დასრულდება. პროექტის ჯამური ღირებულება 58.5 მლნ. ლარს შეადგენს“,-აღნიშნულია ინფორმაციაში.’’
ინფორმაციას სოციალურ ქსელში გავრცელებისთანავე მოჰყვა კომენტარები, სადაც კითხულობენ ლანჩხუთიარის თუ არასაქართველოში?
ამირან გიგინეიშვილი,ლანჩხუთის საკრებულოს ოპოზიციონერი წევრი- ლანჩხუთი სარჩევშიც არაა ნახსენები!
მაცაცო ბურჭულაძე-,ლანჩხუთის ა(ა)იპის თანამშრომელი
ჩვენ(ლანჩხუთი) გურია არ ვართ??

გააზიარეთ და მოიწონეთ სტატია: