საქართველოს მესამე პრეზიდენტი მიხეილ სააკაშვილი სოციალურ ქსელში სტატუსს აქვეყნებს და ოპოზიციური პარტიის მნიშვნელობაზე ამახვილებს ყურადღებას. როგორც თავად ამბობს, ის არ ისწრაფვის რაიმე თანამდებობისთვის, რადგან ნებისმიერ პოსტზე მეტად სამშობლოს მიწაზე ფეხის დადგმა უფრო მნიშვნელოვანია:
მიმაჩნია, რომ ამ დანაშაულებრივი რეჟიმის წინააღმდეგ ყველა ოპოზიციური პარტიის ერთობა არის უფრო მნიშვნელოვანი, ვიდრე ნებისმიერი პიროვნების ბედი, თუნდაც ეს იყოს ჩემი მოკრძალებული პიროვნება.
მადლიერი ვარ იმ ხალხის, ვინც ჩემი დაბრუნების საკითხს აყენებს, რა თქმა უნდა, ჩემთვის უმძიმესია მრავალწლიანი განშორება სამშობლოსთან და ჩემთვის სამშობლოს მიწაზე ფეხის დადგმა ეს არის ბევრად უფრო მნიშვნელოვანი, ვიდრე რომელიმე თანამდებობა ან ნებისმიერი პოლიტიკური როლი .
მე არ მივისწრაფი რაიმე ექსკლუზიური როლისთვის, მე ვარ ერთ-ერთი თანასწორთა შორის.
ახლა ყველანი უნდა ვკონცენტრირდეთ ოლიგარქის მიერი ჩატარებული მანიპულაციების წინააღმდეგ, რადგან ეს უსამართლობა არ შერჩეს ივანიშვილს.
აქვე ვიტყვი, თუ ქართული ოპოზიციური ერთობა ჩათვლის რომ, ივანიშვილის დასამარცხებლად ჩემი ჩამოსვლა იქნება ერთ-ერთი იარაღი, გარწმუნებთ ვიპოვი საშუალებას საქართველოში შემოღწევის და ვერანაირი წინაღობა ამ სურვილს ხელს ვერ შეუშლის. ჩემი უსაფრთხოება მეასე ხარისხოვანია მაშინ როცა სამშობლოს ვკარგავთ, მაგრამ ეს არ უნდა იყოს რაიმე განხეთქილების ან უთანხმოების თემა. მაშინ როდესაც უკვე მიღწეულია უმნიშვნელოვანესი შეთანხმება ოპოზიციურ პარტიებს შორის” – წერს სააკაშვილი ფეისბუკის საკუთარ გვერდზე.
მსგავსი სტატიები:
“რატომ? იმიტომ რომ პროგრესს მივაფურთხეთ”
“თქვენ ფარისევლობა შეგატყვეთ, ბატონო ალეკო”
ბათუმის გარდა, ვაქცინაციის პროცესი აჭარაში შეჩერებულია
მოქალაქეები უნდა გამოვიდნენ ქუჩაში და ხმამაღლა უთხრან ივანიშვილს, საქართველო არ არის შენი ბოსტანი!
თეა წულუკიანის ადგილმონაცვლე პარლამენტში ნინო იობაშვილია
ულტიმატუმებით საუბარი ბნელი 90-იანების გადმონაშთია-ღარიბაშვილი “ნამახვანჰესის” მოწინააღმდეგეებზე:
“ჰესების გულშემატკივარი ასე არ იქცევა, რომ აღარფერი ვთქვათ სრულიად აღვირახსნილ უკანონობაზე”
რის ვალდებულებას იღებს “ოცნება” საარჩევნოდ? – მამუკა მდინარაძე