ამერიკულმა კომპანია Novavax-მა Covid-19-ის საწინააღმდეგო ვაქცინის კვლევის პირველადი შედეგები გამოაქვეყნა.
კვლევაში მონაწილეობა 29 960-მა ადამიანმა მიიღო და ექსპერიმენტმა აჩვენა, რომ ვაქცინის ორი დოზა კორონავირუსთან გასამკლავებლად სრულიად საკმარისია. გამოკვლევები მექსიკასა და აშშ-ში ჩატარდა.
გამოქვეყნებული შედეგების მიხედვით, პრეპარატის ეფექტიანობა ვირუსის სიმპტომური გამოვლენის წინააღმდეგ შეადგენს 90.4%-ს. ასევე ცნობილი გახდა, რომ Novavax-ის ვაქცინა წარმატებით უმკლავდება ამ დროისთვის არსებულ რვავე შტამს და 100%-ით იცავს ადამიანს დაავადების გამწვავებისგან.
კარგი შედეგების მიუხედავად, ახალი ვაქცინის ავტორიზაციას რამდენიმე თვე დასჭირდება. ასევე კარგად უნდა იქნას გამოკვლეული გვერდითი მოვლენები. ამ ეტაპისთვის გვერდით მოვლენად დასახელებულია ტკივილი ინექციის არეში, სხვა სახის გამოვლინებები ჯერჯერობით არ დაფიქსირებულა.
სტენლი ერკმა, კომპანიის აღმასრულებელმა დირექტორმა თქვა, რომ ვაქცინის პირველი დოზები ძირითადად განვითარებად ქვეყნებს მიეწოდებათ. აგრეთვე ითქვა, რომ Novavax-ის ვაქცინა შესაძლოა ე.წ. ბუსტერადაც კი იყოს გამოყენებული აშშ-ის რეგიონში.
მსგავსი სტატიები:
“სულელები კი არა, გაუმაძღრები არიან” – მეტრეველი “ოცნებაზე”
უორდროპების მოგზაურობა გურიაში
ბანკების მიერ დასაკუთრებული ქონების მოცულობა 22 მლნ ლარით გაიზარდა
პირბადის ტარების მოთხოვნა ძალაში კიდევ დიდხანს დარჩება
საქართველოს მოსახლეობის 21,3% ანუ 794 ათასზე მეტი ადამიანი უკიდურეს სიღარიბეში ცხოვრობს
გახარიას პარტიის პრეზენტაცია აქციის ფონზე ჩაივლის
ყველა საბაჟო გამშვები პუნქტი მზადაა ტურისტებისა და სატრანსპორტო ნაკადის მისაღებად
“სად ხართ მსახიობებო, სტუდენტებო, პედაგოგებო… ეს ქვეყანა თქვენი არ არის” ?!