NATO-ს რომელი წევრი ქვეყანა ხარჯავს ყველაზე მეტს თავდაცვაზე?

ანალიტიკური პლატფორმა Statista ნატოს ანგარიშზე დაყრდნობით წერს, ალიანსის რომელი წევრი ქვეყანა ხარჯავს ყველაზე მეტს თავდაცვაზე. ანგარიშის მიხედვით, ყველაზე მეტს თავად აშშ ხარჯავს. არსებული მონაცემებით მიმდინარე წელს, ქვეყნის დანახარჯები ამ მიმართულებით 811 მილიარდ აშშ დოლარს გაუტოლდება, რაც ქვეყნის მშპ-ის 3.5%-ია.

Statista-ს ინფორმაციით, მეორე ქვეყანა, რომელიც ყველაზე მეტ ფულს ხარჯავს თავდაცვაზე, დიდი ბრიტანეთია. წინასწარი მონაცემებით, გაერთიანებული სამეფო მიმდინარე წლის ბოლოსთვის 73 მილიარდ აშშ დოლარს დახარჯავს, რაც ქვეყნის მშპ-ის 2.29%-ია.

აღსანიშნავია, რომ ჩამონათვალში მესამე ადგილს თავდაცვაზე გაწეული ხარჯებით გერმანია იკავებს. ანგარიშის მიხედვით, ქვეყანა 64,785 მილიარდ აშშ დოლარს დახარჯავს 2021 წლის ბოლოსთვის, რაც ქვეყნის მშპ-ის 1.53%-ს შეადგენს.

ნატოს წევრი ქვეყნების ჩამონათვალი თავდაცვაზე გაწეული ხარჯების მიხედვით:

აშშ – 811,140 მილიარდი აშშ დოლარი
დიდი ბრიტანეთი – 72,765 მილიარდი აშშ დოლარი
გერმანია – 64,785 მილიარდი აშშ დოლარი
საფრანგეთი – 58,729 მილიარდი აშშ დოლარი
იტალია- 29,763 მილიარდი აშშ დოლარი
კანადა – 26,523 მილიარდი აშშ დოლარი
ესპანეთი – 14,875 მილიარდი აშშ დოლარი
ნიდერლანდები – 14,378 მილიარდი აშშ დოლარი
პოლონეთი – 13,369 მილიარდი აშშ დოლარი
თურქეთი – 13,057 მილიარდი აშშ დოლარი
ნორვეგია – 8,292 მილიარდი შშ დოლარი
საბერძნეთი – 8,014 მილიარდი აშშ დოლარი
ბელგია- 6,503 მილიარდი აშშ დოლარი
რუმინეთი – 5,785 მილიარდი აშშ დოლარი
დანია – 5,522 მილიარდი აშშ დოლარი
ჩეხეთი – 4,013 მილიარდი აშშ დოლარი
პორტუგალია – 3,975 მილიარდი აშშ დოლარი
უნგრეთი – 2,907 მილიარდი აშშ დოლარი
სლოვაკეთი – 2,043 მილიარდი აშშ დოლარი
ხორვატია – 1,846 მილიარდი აშშ დოლარი
ლიეტუვა – 1,278 მილიარდი აშშ დოლარი
ბულგარეთი – 1,253 მილიარდი აშშ დოლარი
ლატვია – 851 მილიონი აშშ დოლარი
ესტონეთი – 787 მილიონი აშშ დოლარი
სლოვენია – 760 მილიონი აშშ დოლარი
ლუქსემბურგი – 474 მილიონი აშშ დოლარი
ალბანეთი – 239 მილიონი აშშ დოლარი.