2021 წლის იანვარ-მაისში საქართველოში ახალი საზამთროს და ნესვის იმპორტი გაიზარდა. თუ შარშან 5 თვეში ქვეყანამ 63,55 ტონა (19,01 ათასი დოლარი) ნესვი იყიდა, წელს ეს მაჩვენებელი თითქმის 2-ჯერ გაიზარდა და 119,9 ტონა (21,94 ათასი დოლარი) შეადგინა.
საზამთროს იმპორტის შემთხვევაში კი ზრდა რეკორდულია, არა მხოლოდ 2020 წელთან, არამედ პანდემიურ 2019 წელთან შედარებითაც კი. უფრო კონკრეტულად, 2021 წლის 5 თვეში საქართველომ უცხოეთში 2 590 ტონა (252,9 ათასი დოლარი) საზამთრო იყიდა, 2020 წლის ანალოგიურ პერიოდში – 484,2 ტონა (81,85 ათასი დოლარი), 2019 წელს კი ქვეყანაში 583,4 ტონა (78,79 ათასი დოლარი) ახალი საზამთროს იმპორტი განხორციელდა.
რაც შეეხება იმპორტიორ ქვეყნებს, წელს 5 თვეში საზამთრო 4 ქვეყანაში, ნესვი კი 3 ქვეყანაში ვიყიდეთ:
საზამთრო:
- თურქეთი – 1 321 ტონა (123,4 ათასი დოლარი)
- ირანი – 1 246 ტონა (123,4 ათასი დოლარი)
- აზებაიჯანი – 19,6 ტონა (1,67 ათასი დოლარი)
- ნიდერლანდები – 2,6 ტონა (4,4 ათასი დოლარი)
ნესვი:
- თურქეთი – 72,43 ტონა (11,32 ათასი დოლარი)
- ირანი – 44,36 ტონა (5,94 ათასი დოლარი)
- ნიდერლანდები – 3,10 ტონა (4,69 ათასი დოლარი)
შეგახსენებთ, რომ საზამთროს და ნესვის გაზრდილი იმპორტი რამდენიმე დღის წინ კახეთში ფერმერებმა გააპროტესტეს და ლაგოდეხი-ყვარლის დამაკავშირებელი გზა გადაკეტეს. ისინი პროდუქტის იმპორტის შეჩერებას ითხოვდნენ.
bpn.ge
მსგავსი სტატიები:
“ყველა პასუხს აგებს საკუთარ შეცდომებზე!”-დეკანოზი ილია ჭიღლაძე შალვა კეკელიას ქადაგებას გამოეხმაურა
მინსკს 2021 წელს მსოფლიოს ჩემპიონატის მასპინძლობის უფლება ჩამოერთვა
ზოგ ბრძოლაზე არ ღირს დროის ფლანგვა
“ჰესი აუცილებლად უნდა აშენდეს,ის სიკეთეს მოუტანს არამარტო ქვეყანას, არამედ ხეობასაც”
საქსტატი: უმუშევრობის დონე 18.5 პროცენტამდე გაიზარდა 2020 წელს
მიღებულია ზომები გერმანიაში დასაქმებული ქართველების პირობების გაუმჯობესებისთვის
ნაბეღლავში თანამშრომლები გაიფიცნენ
ფრანც ტეიხელის XVIII საუკუნის პირველი ნახევარის ილუსტრაცია – მეგრელი და გურული