საქსტატი: უმუშევრობის დონე 18.5 პროცენტამდე გაიზარდა 2020 წელს

2020 წელს საქართველოში უმუშევრობის დონე 2019 წელთან შედარებით 0.9 პროცენტული პუნქტით გაიზარდა და 18.5 პროცენტი შეადგინა. 2020 წელს წინა წელთან შედარებით გაიზარდა თვითდასაქმებულთა რიცხვი (30,7%-დან 31,9%-მდე) და შემცირდა დასაქმებულთა რაოდენობა (69,3%-დან 68,1%-მდე).

უმუშევრობა ტრადიციულად უფრო მაღალია მამაკაცებში (20,2%), ვიდრე ქალებში(16,2%). 2020 წელს უმუშევრობის დონე ყველაზე მაღალია 15-19 წლის ასაკობრივ ჯგუფში (43.9 პროცენტი), ხოლო აღნიშნული მაჩვენებელი ტრადიციულად ყველაზე დაბალია 65+ ასაკობრივ ჯგუფში (7.3 პროცენტი).

უმუშევრობის დონე 2010-2020 წლებში
უმუშევრობის დონე 2010-2020 წლებში

2020 წელს სამუშაო ძალამ (ეკონომიკურად აქტიურმა მოსახლეობამ) შრომისუნარიანი ასაკის მოსახლეობის (15 წლის და უფროსი ასაკის მოსახლეობა) 50.5% შეადგინა. წინა წელთან შედარებით სამუშაო ძალის მონაწილეობის დონე (აქტიურობის დონე) შემცირებულია 1.3 %-ით, ხოლო დასაქმების დონე შემცირებულია 1.5%-ით.

გააზიარეთ და მოიწონეთ სტატია: