ძალიან სერიოზული ეპიდსიტუაციაა ქვეყანაში, რაც განპირობებულია ახალი შემთხვევის ძალიან დრამატული ზრდით. დღეს იყო 5600 ახალი შემთხვევა და 54 გარდაცვალება. რამდენადაც მე ვიცი, ახალი შემთხვევების რაოდენობის მხრივ საქართველო ლიდერთა ჯგუფშია. რატომ მოხდა ეს? ამას ჩვენ სისტემატიურად ვიმეორებდით. ზოგს სჯეროდა, ზოგს არ სჯეროდა და ასეთი სამწუხარო შედეგი დადგა. ამის მიზეზი არის, რომ მოხსნილია ყველა მკაცრი შეზღუდვა და ამ პირობებში დარჩენილი რეგულაციები, მინიმალური რეგულაციებიც არ სრულდება. მხედველობაში მაქვს, რომ არ ატარებენ პირბადეს, თბილისის მიღმა გაბრძანდით და პრაქტიკულად არ ატარებენ პირბადეს.
ამას დაემატა ისიც, რომ ძალიან ლიბერალიზაცია მოხდა აღსრულების მხრივ. თქვენ იცით, რომ ჯარიმები გაუქმდა, ეს გაკეთდა ჰუმანური მოსაზრებებით, რომ მოსახლეობა, რომელიც ისედაც პანდემიის პირობებში ეკონომიკურად შევიწროებული იყო, დამატებითი ტვირთი არ დასწოლოდა მათ, მაგრამ ეს ყველაფერი ბევრმა კარგად ვერ გაიგო და ბევრმა ისარგებლა და ისე კი არ მოიქცა, რომ მას აპატიეს პირბადის არ ტარება ან ხალხმრავალი შეკრება, ქორწილი. პირიქით ჩათვალეს, რომ ეს შეიძლება და ამ პრაქტიკას აგრძელებენ.
გუშინ მთავრობამ, საკოორდინაციო საბჭომ მიიღო სერიოზული გადაწყვეტილებები, რომელიც რამდენიმე შეზღუდვას აწესებს, მაგრამ არა სერიოზულ შეზღუდვებს და არა” ლოკდაუნს”, “ლოკდაუნი “გამორიცხულია. მთავარია კონტროლის გაძლიერება აღსრულების მექანიზმებზე, პირბადე ატარონ. სოციალური დისტანცირება დაიცვან და 10-ზე მეტი ადამიანი არ იყოს შეკრებილი. დაახლოებით 10-14 დღის შემდეგ ეს აუცილებლად მოიტანს შედეგებს”, – განაცხადა თენგიზ ცერცვაძემ.
მსგავსი სტატიები:
რა ხდება ამ წუთებში გომისმთის მისასვლელთან-ფოტოები
“პლებისციტზე თანახმა ვართ, ოღონდ ერთი პირობით” – ბოკერია
ოპოზიცია ცარიელი ხელებით, ქუჩაშია დარჩენილი – ირაკლი კობახიძე
ქობულეთში კორონავირუსით ექიმი გარდაიცვალა
‘ოცნება” ცრა წელია ბანერებზე აშენებს ქვეყანას, ეს არის რუსული ცინიზმი”
რა ნივთებს ფლობდა ბენია ჩხიკვიშვილი საფრანგეთში ცხოვრების პერიოდში
სისტემა ისე გამოლპა, 2024 წლამდე როგორ მივა “ქართული ოცნება” კი არა, ამ ზამთარს როგორ გადააგორებენ ჯერ ეს არის საკითხავი
რას წერდა გაზეთი ,,ერთობა” 1919 წელს