თალიბები მათი წესების მიმართ არსებული მზარდი პროტესტის წინააღმდეგ სადამსჯელო ღონისძიებების დაწესებას აგრძელებენ. კერძოდ, აიკრძალა ნებისმიერი დემონსტრაცია, რომელსაც არ აქვს როგორც შეკრების, ასევე სლოგანის გამოყენების ოფიციალური თანხმობა. ინფორმაციას ამის შესახებ The Guardian ავრცელებს.
პირველი განკარგულება ისლამისტური ჯგუფის ახალი შინაგან საქმეთა სამინისტროს მიერ სირაჯუდინ ჰაქანის ხელმძღვანელობით გაიცა, რომელსაც ამერიკის შეერთებული შტატები ტერორიზმის ბრალდებით ეძებს. თალიბანმა მოწინააღმდეგები გააფრთხილა, რომ მიიღონ ნებართვა ნებისმიერ პროტესტამდე ან ისინი “მძიმე სამართლებრივ შედეგებს” გადააწყდებიან.
8 სექტემბრის ოფიციალური აკრძალვა რამდენიმე ქალაქში თალიბების ხელისუფლებაში მოსვლის შემდეგ თალიბანის მებრძოლებსა და აქციების მონაწილეებს შორის წინაღმდეგობებს მოჰყვა. პროტესტის სათავეში კი ხშირად ქალები იყვნენ.
აკრძალვის შესახებ განკარგულება აშშ-ის სახელმწიფო მდივნის განცხადების შემდეგ გაიცა. ენტონი ბლინკენმა გაიმეორა სხვა საერთაშორისო საზოგადოების პოზიცია, რომ ავღანეთის დროებითი კაბინეტი თალიბების დაპირებული ინკლუზიური მთავრობა არ იყო და რომ ისლამისტურ ჯგუფს საერთაშორისო ლეგიტიმაცია და მხარდაჭერის მოპოვება სჭირდება.
მსგავსი სტატიები:
“ერთხელ მაინც შეგრცხვეთ, ერთხელ მაინც დაფიქრდით”!!!
4-ჯერ მეტი თანხა ერთ ცალ ყაბალახში-როგორ იხარჯება ბიუჯეტის ფულები ლანჩხუთში
“ბელორუსი, რუსეთი, საქართველო – კარგად მივდივართ”
რიმა ბერაძის ქებათა ქება ღარიბაშვილს
ჩვენი პოზიციები ვერასდროს დაახლოვდება, ღმერთმა დამიფაროს- რარიბაშვილი ოპოზიციაზე
“ახლა რომ არჩევნები ჩავატაროთ, საკონსტიტუციო უმრავლესობას მივიღებთ და აღარ გვინდა”
“ბიძინა ყველა ბალახსა და ფოთოლშია. ის ცაშიცაა, მთაშიც, წყალშიც”…
ბოკერია: 15 მაისამდე უამრავი სპონტანური აქცია შეიძლება იყოს