“კანცელარიასთან იყო გუშინ,მეოთხე დღეა საქართველოშია”- ეკა ხერხეულიძე სააკაშვილზე

„ნაციონალური მოძრაობის“ წევრის ეკა ხერხეულიძის განცხადებით, მიხეილ სააკაშვილი  უკვე 4 დღეა საქართველოში იმყოფება.

ამასთან როგორც ხერხეულიძემ ჟურნალისტებს განუცხადა, სააკაშვილი იმყოფებოდა არა მხოლოდ ბათუმში, არამედ „ქუთაისშიც და სხვაგანაც“.

„ხელისუფლებამ დღეს აჩვენა უსუსურობა. ადამიანს ეძებდნენ საქართველოს საზღვრებს გარეთ. ამტკიცებდნენ, რომ აქ არ იყო. ჯიუტად ვეუბნებოდით, რომ აქ იყო, ვიცოდი რომ აქ იყო, მაგრამ მიუხედავად ამისა, მათდა გასაოცრად სააკაშვილი დაიჭირეს თბილისში. ძალიან ახლოს, კანცელარიასთან იყო გუშინ.

დღეს არ არის პირველი დღე, რომ სააკაშვილი თბილისშია. უკვე მეოთხე დღეა ის საქართველოშია. ამის შესახებ ცნობა ამ ჩამოშლილ ხელისუფლებას არ ჰქონია. ამიტომ ეს გაცილებით დიდი პრობლემა მგონია, ვიდრე ის, რომ მიხეილ სააკაშვილი  ციხეშია. ეს დროებითი ფაქტია. ამის შესახებ იცოდა. გვისაუბრია. მიმართვაც გვქონდა გამზადებული. ეს არის ჩვეულებრივი ბრძოლის გზა. ეს გააკეთა შეგნებულად, რადგან ის თვლის, რომ ხვალ რეფერენდუმია და არა რიგითი არჩევნები და თუ რეფერენდუმია არცერთ ქართველს არ აქვს უფლება, ფარგლებს გარედან უყუროს საქართველოში რა მოხდება“,- განაცხადა ხერხეულიძემ.

გააზიარეთ და მოიწონეთ სტატია:

მსგავსი სტატიები:

პარლამენტმა ნიკა მელიას იმუნიტეტი მოუხსნა “88 (დეპუტატი)  2 (პროკურორი)  1 (მოსამართლე), 91 რადიოაქტიური ნაძირალა” კიდევ რომელ ორ ქვეყანაში შეძლებენ ქართველები ლეგალურად დასაქმებას ნიკა მელია თანაპარტიელებთან ერთად მიხეილ სააკაშვილთან შესახვედრად კიევში გაფრინდა მიხეილ სააკაშვილი საქართველოში დაბრუნებას აპირებს რატომ გახდა კობახიძისთვის განსაკუთრებული ოზურგეთი, სადაც, „დედა შვილს ხელში არ აიყვანს“ “ადამიანის სიკვდილით იმისთვის სპეკულირებენ, რომ ქვეყანას ავნონ” “არავის არ ვეჯიბრები, ვიცი მოსახლეობის განწყობები ჩემს მიმართ”