ადგილობრივი თვითმმართველობის პირველი ტურის შედეგების მიხედვით, ლანჩხუთსა და ჩოხატაურში “ოცნებამ” საკრებულოში უმრავლესობა შეიყვანა.
მიღბული პროცენტული მაჩვენებლების მიხედვით, პირველივე ტურში გაიმარჯვა მმართველი პარტიის მერობის კანდიდატებმაც. ლანჩხუთის მერი ისევ ალექსანდრე სარიშვილი გახდა, ჩოხატაურში კი, გოჩა შარაშენიძემ მიიღო ამომრჩველთა ორმოცდაათ პროცენტზე მეტი.
რაც შეეხება ოპოზიციას, ლანჩხუთის საკრებულოში, რომელიც 27 წევრით დაკომპლექტება, 2 სადეპუტატო მანდატი პარტიას “საქართველოსთვის” ერგო, ერთი “ლელოს” და ოთხი “ნაციონალურ მოძრაობას”.
როგორც პარტიის ადგილობრივი ლიდერი, კახა ასკურავა “გურიის მოამბესთან” აღნიშნავს, შესაძლოა პარტიამ მეხუთე მანდატიც მიიღოს: “გასაჩივრებული გვაქვს 20 უბნის შდეგები და ველოდებით, შესაძლოა პროპორციულით მეხუთე წევრიც შევიყვანოთ საკრებულოში.”-გვითხრა ასკურავამ.
ჩოხატაურში კი, განსხვავებით ლანჩხუთისგან ენმ-ი ასევე პროპორციული სიით 6 დეპუტატს შეიყვანს, პარტია “საქართველოსთვის” სამი, დანარჩნი მანდატი კი 3-კაციან საკრებულოში “ოცნებას” ერგო.
განსხვავებული მდგომარეობაა ოზურგეთში, სადაც “ერთიან ნაციონალურ მოძრაობას” 10 დეპუტატი შეყავს, აქედან ერთი მაჟორიტარი და 9 სიით. გახარიას პარტიას კი 3.
აღსანიშნავია, რომ ოზურგეთში მეორე ტური იქნება მერობის კანდიდატებს შორის და 4 სამაჟორიტარო ოლქში, აქედან ორ ოლქში (ძიმითი-ნაგომარი და ნარუჯა-ლაითური) ერთმანეთს ენმ-ისა და “ოცნების” წევრები დაუპირისპირდებიან, ერთში (ქალაქი) “საქართველოსთვის” და “ოცნება”, მელექედური-სოფელ ოზურგეთისა და გურიანთის სამაჟორიტარო ოლქში კი დამოუკიდებელი კანდიდატი, მმართველი გუნდის წევრს დაუპირისპირდება.
მსგავსი სტატიები:
ექსკლუზივი: ოზურგეთში სკოლის დირექტორმა რომელიც “ოცნების” შტაბის ხელმძღვანელიცაა, მოსწავლე სცემა
ჩოხატაურის მუნიციპალიტეტში სახლი დაიწვა
ლელობურთი სიმბოლურად ტაძარში მიიტანეს
ჩემი გურია, ასკანა, ოზურგეთი-ფოტო-ზურა შევარდნაძე
“გურია,სოფელი ნასაკირალი…ბრწყინვალე მოსწავლეების კლუბ ,,ნასას” მცირე ბიბლიოთეკა მოვუწყვეთ”-კეკელიძე
“უწინ კარტოფილზე და ხახვზე გადაყავდათ ამომრჩეველი, წელს ფქვილია” ხოდში”-დვაბზუს გამგებელი
ძიმითს მერობისთვის ირაკლი ღლონტი იგებს მაჟორიტარულში შალვა თავდიშვილი
4 ოლქში მეორე ტური იქნება