– გურიაში დავიბადე და გავიზარდე, ამიტომ ვიცი, რომ იუმორი მათი ცხოვრების განუყოფელი ნაწილია. ჩვენთან “ბირჟაზე” კამერები რომ დააყენო და გურულების საუბარი ჩაიწერო, საუკეთესო იუმორისტული გადაცემა გამოვა. რაღა შორს მივდივარ? – ძმაკაცი მყავს, რომელიც სრული სერიოზულობით მეკითხება: – ე ბიჯო, მე ახლა ანჯელინა ჯოლიმ რომ მნახოს, არ შუყვარდები, მაგი დევიჯეროო?
კიდევ მყავს ერთი მეგობარი, რომელიც მთელი სერიოზულობით ტრაბახობს, – ბიჯო, ჩემ დანახვაზე ქალები სულ თლათ ჭკუას კარგავენო. რეიზა ჩივი მაგასო, ჰკითხეს თანამოსაუბრეებმა. აბა, ამდენი უჭკუო ქალი რეიზა დადის ამ ქვეყანაზეო, არ დაბნეულა, ისე უპასუხა.
მოკლედ რომ ვთქვა, რას არ გეიგონებ კაცი გურიაში! ჩემმა მეზობელმა თავის სიდედრს “მესი” დაარქვა. რომ ჰკითხეს, რატომ დაარქვი ამნაირი მაკვარანცხი სახელიო, უპასუხა, ჩემი სიდედრი იმნაირი ქალია, როდის ან საიდან შემოვარდება, ვერ გეიგებო
ხანდაზმული, ჭაღარა გურული თავის ეზოში ზის და სარებს წვერს უთლის. ამ დროს მეზობელმა ჩამოიარა და გაკვირვებით ჰკითხა: რას შობი, ბიჭო, პროკოფია, დამჯდარი მუშაობო? აბა, დაწოლილმა რაც ვიმუშავე, ეგერ ყრია ჩეროშიო, უპასუხა გაბრაზებულმა პროკოფიამ.
კიდევ ბევრი რამის მოყოლა შემიძლია… ცხადია, ეს ყველაფერი ხუმრობაა: გურულები საქართველოს სხვა კუთხის შვილებზეც ისე ხუმრობენ, როგორც საკუთარ თავზე. სინამდვილეში კი მათზე მშვიდობიანი და ერთგული ხალხი ჩვენს საქართველოს არა ჰყავს. უბრალოდ ცდილობენ ამ ურთულეს დროშიც იპოვონ მიზეზი, რის გამოც სიცოცხლე ღირს. ჩემი აზრით, იუმორი ერთ-ერთი ასეთი მიზეზია!
კვირის პალიტრა
მსგავსი სტატიები:
მარხვის დღეებთან დაკავშირებით საპატრიარქო განცხადებას ავრცელებს
ცნობილი ლანჩხუთელი ქირურგი-ორთოპედი, მერი მშვიდობაძე გარდაიცვალა
საქართველოში მშენებლობის თვითღირებულება გაძვირდა
ჯანმო მოსახლეობას აფრთხილებს
მზად უნდა ვიყოთ უფლის მეორედ მოსვლისათვი, დრო იწურება- ილია მეორეს
სკოლიდან გარიცხული 12 წლის ბიჭი მსოფლიოში ყველაზე ახალგაზრდა რესტორატორი გახდა
ბრიტანეთის დედოფალმა ტორტი საცერემონიო მახვილით გაჭრა
გამყრელიძე: ცოტა ხანი თავი შევიკავოთ ღამის კლუბებში სიარულისგან… მერე მეც წამოვალ