“განსაკუთრებით მან თხოვა ახალგაზრდებს,დაიწყონ ოპოზიციის ოფისებში მისვლა მოხალისეებად…30 ოქტომბერს იაქტიურონ და არ მისცენ ხელისუფლებას გაყალბების არცერთი შანსი”

საქართველოს მესამე პრეზიდენტი, მიხეილ სააკაშვილი უკლებლივ ყველა მოქალაქეს მოუწოდებს, არჩევნების მეორე ტურზე იაქტიურონ და ამბობს, რომ როგორც მისი, ასევე ქვეყნის გათავისუფლების ერთადერთი შესაძლებლობა 30 ოქტომბერს, საარჩევნო უბნებზე მისვლაა.

მიხეილ სააკაშვილის გზავნილი მედიასთან სენაკის მერობის საერთო ოპოზიციურმა კანდიდატმა, კობა ნაყოფიამ გააჟღერა:

“მან მოუწოდა ყველას აბსოლუტურად, უკლებლივ ყველას, რომ ერთადერთი შანსი, ერთადერთი შესაძლებლობა მისი თავისუფლების და ჩვენი ქვეყნის განთავისუფლების, არის მხოლოდ და მხოლოდ 30 ოქტომბრის არჩევნები. მოუწოდა ყველას, საქართველოს თითოეულ მოქალაქეს, რომ აქტიურები იყვნენ და მივიდნენ არჩევნებზე. არჩევნებზე მისული დიდი რაოდენობის ამომრჩეველი არის გარანტია იმისა, რომ ხელისუფლება ტოტალურ გაყალბებას ვერ შეძლებს და ყველა იმ ქალაქში სადაც ტარდება მეორე ტური გაიმარჯვებს ოპოზიციის კანდიდატი. მისი მთავარი მოწოდება არის ეს და ის ხედავს, რომ ეს არის ერთადერთი გზა, რომ ის იყოს თავისუფალი, ქვეყანა იყოს თავისუფალი, დაიწყოს ფუნდამენტური ცვლილებები და ქვეყანამ დაიწყოს განვითარება.

განსაკუთრებით მან თხოვა ახალგაზრდებს, რომ დაიწყონ ოპოზიციის ოფისებში მისვლა მოხალისეებად, ჩაეწერონ მოხალისეების რიგებში, რომ 30 ოქტომბერს იაქტიურონ და არ მისცენ ხელისუფლებას გაყალებების არცერთი შანსი. მიაჩნია, რომ ახალგაზრდების როლი ასეთ დახმარებაში არის ძალიან მაღალი და ყველა ახალგაზრდას პირადად სთხოვა მოხალისეებად მობრძანდნენ ოპოზიციის ოფისებში და 30 ოქტომბერს დადგნენ ქართველი ხალხის გვერდით, რომ ვერ შეძლოს “ქართულმა ოცნებამ” და ივანიშვილმა გაყალბება”, – თქვა კობა ნაყოფიამ. 

ცნობისთვის, მიხეილ სააკაშვილი უკვე 26-ე დღეა შიმშილობს. კობა ნაყოფიამ მასთან შეხვედრის შემდეგ თქვა, რომ მიხეილ სააკაშვილი მხნედაა და პოლიტიკურ ფორმას ინარჩუნებს.

გააზიარეთ და მოიწონეთ სტატია:

მსგავსი სტატიები:

რა წერია წერილში, რომელიც გიორგი გახარიამ აშშ-ს პრეზიდენტს მისწერა ირაკლი ჩავლეიშვილისთვის შეურაცხყოფის მიყენების ფაქტზე შინაგან საქმეთა სამინისტრომ ერთი პირი დააკავა ირაკლი კობახიძე აშშ-დან ბრიუსელში გაემგზავრება და შარლ მიშელს შეხვდება თურნავა: “საქართველოს ეკონომიკა ცოცხლდება და ვითარდება” “ისედაც ვაპირებ წასვლას! მოდით და მოიწყეთ ორგიები!“ “ყველანი ჭუჭუები ვყოფილვართ… ამათი თანამდებობებისთვის მიწვალია….” – ირაკლი ოქრუაშვილი “კოკაინის მოხმარების ბრალდება, ეს არის ტიპიური რუსული ხელწერა…ეს კიდევ ერთხელ მიუთითებს რა დონის ნაძირლებთან და მატყუარებთან გვაქვს საქმე” გახარია ღარიბაშვილზე: სამარცხვინოა, როცა ქვეყნის პირველი პირის სახით ოცნება განაცდა